Samfylkingin vill ekki álverið á Bakka

Iðnaðarráðherra sagði nóg komið af álverum á Íslandi.

Þetta segir hann þrátt fyrir að hafa framlengt viljayfirlýsingu þess efnis að byggja eigi álver á Bakka.

Foringi Samfylkingarinnar í kjördæminu hefur heldur ekki staðið við sínar stuðningsyfirlýsingar.

Ísland hefur ekki efni á því að nýta ekki náttúruauðlindir á skynsamlegan hátt og það er ekki hægt að styðja framboð sem geta ekki staðið í lappirnar í nokkru máli.

Ætla að slá skjaldborg um álversframkvæmdir

Athugasemdir

[Sigríður Lárusdóttir (IP-tala skráð) 23.4.2009 kl. 11:54]

Það er hægt að nýta raforku til annars en frumframleiðslu á áli. Ég veit ekki betur en allir vinnustaðir á Íslandi noti rafmagn.

[Viðar Ingvason (IP-tala skráð) 23.4.2009 kl. 11:55]

Álver á bakka er ekki inni í myndinni, það er einföld staðreynd, farið að einbeita ykkur að olíunni.

[Helga Sigrún Harðardóttir, 23.4.2009 kl. 13:33]

Hvernig veistu það Gestur? já, nei, já, nei, já, nei... var það sem ég heyrði í Össuri í gær!! Skrýtið hvað reyndir stjórnmálamenn fara á taugum á síðustu metrunum...

[Finnur Bárðarson, 23.4.2009 kl. 14:47]

Ál og hvalveiðar, virðist vera töframeðalið. Skiptir ekki máli þó engir séu kaupendur. Ál og hvalveiðar skal það vera inn í rauðan dauðann. Við eru jú að tala um trúarbrögð.

[Sigurður Þorsteinsson, 23.4.2009 kl. 15:42]

Þessu komuð þið til valda og berið því ábyrgð á að Bakki er sleginn af.

[Andrés Kristjánsson, 23.4.2009 kl. 15:44]

Afhverju ræðið þið ekki hlutina á forsendum staðreynda?

Í stað þess að fara með frasa. Þetta lyggur allt fyrir framan okkur.

Þessi skrif eru ekki ósvipuð gerningi Sjálfstæðismanna á suðvesturhorninu. Stóra vandamálið þar er það sama og á Bakka það er nær vonlaust að fjármagna verkefnin. Landsvirkjun er stórskuldug enda ekki nema 2 ár síðan síðasta álver var reyst.

LV skuldar 3.2 milljarða dollara. LV tapaði 375 milljónum dollara á árinu 2008 þegar meðalverð var 2500$/pt.

ALCOA tapaði hálfum milljarði á fyrstu þrem mánuðum.

IMF býst við að kreppan dýpki.

Það er stutt í kosningar og verkin tala sínnu máli. Þið berið mikla politíska ábyrgð

gagnvart hruninu og ekki gengur að blekkja sig inná þing.

[Finnur Bárðarson, 23.4.2009 kl. 16:47]

Ég held að þetta sé ekki spurning hvað við viljum, hvað segja þeir sem ætla að leggja fé í þetta eru þeir áhugasamir um þessar mundir. Ég held að Alcoa sé bara að halda okkur volgum. Þetta snýst um eiturhörð viðskipti en ekki góðgerðastarfsemi ef ég þekki Alcoa rétt.

[Gestur Guðjónsson, 23.4.2009 kl. 17:12]

Sigríður: Við verðum að nýta þau tækifæri sem bjóðast til verðmætasköpunar. Ef aðrir kostir en ál bjóðast væri það betra, til að hafa ekki öll eggin í sömu körfunni.

Viðar: Ef iðnaðarráðherra og flokkur hans haga sér með þessum ótrúverðuga hætti eru meiri líkur á að þú hafir rétt fyrir þér.

Finnur: Við verðum að nýta tækifærin þegar þau gefast. Að fara EKKI í hvalveiðar er ósjálfbær meðferð á náttúrunni í hafinu, meðan við erum að nýta aðra hluta vistkeðjunnar.

Sigurður: Spurning um að lítið gerist eða ekkert eins og staðan var áður. Við erum allavegana að kjósa á laugardaginn. Það er í boði Framsóknar.

Andrés: Iðnaðarráðherra var með þessum orðum að auka líkur á því að þú hafir rétt fyrir þér. Við berum pólitíska ábyrgð á okkar verkum þau 12 ár sem við vorum í ríkisstjórn, hefðum átt að ná meiri peningum til fjármálaeftirlitsins, en íhaldið stóð á móti. Það hefði örugglega breytt miklu. Valgerður Sverrisdóttir, fv. form Framsóknar hefur beðist afsökunar á því..

Finnur. Þetta eiga að vera eiturhörð viðskipti, sem Íslendingar njóta góðs af.

[Jón Valur Jensson, 23.4.2009 kl. 23:24]

Össur var með allra ringlaðasta móti í gærkvöldi.

Sennilega hrökk hann niður í lága drifið við að "lenda í því að þurfa" að réttlæta styrkþægni flokksbrodda sinna.