Ríkisstjórnin lögð til atlögu við Íbúðalánasjóð

Lækkun hámarkslánshlutfallsins niður í 80% virðist vera fyrsta skref nýrrar ríkisstjórnar gegn Íbúðalánasjóði. Ætli ætlunin sé ekki að lækka útlánamöguleika ÍLS þannig að venjulegir húsbyggjendur og kaupendur þurfi ávallt að taka lán hjá bönkunum og þar með fá fólk til að "einfalda" hlutina fyrir sér og sleppa ÍLS. Í framhaldinu yrði hann sleginn af með þeim rökum að það sé engin velta í honum og þar með tapast möguleikar á að fá hagstæð íbúðalán þar sem byggða- og félagsleg atriði skipta einhverju máli.

Ríkisstjórnin hefur viðurkennt að þetta hafi engin raunveruleg áhrif á það yfirskin sem gefið er fyrir lækkuninni, að slá á íbúðaverð. Sveiattan segi ég bara.