Fleiri vinaþjóðir í austri

Ein er sú þjóð sem við höfum hjálpað mikið og við eigum talsvert inni hjá.

Við höfum tekið á móti sendinefnd eftir sendinefnd sem hafa verið að kynna sér hvernig byggja eigi upp nútíma samfélag, hvernig byggja eigi upp heilbrigðiskerfi, skólakerfi og svo framvegis og framvegis.

Það er líklegast sú magnaðasta þróunaraðstoð sem við höfum veitt, þrátt fyrir að hún hafi ekki kostað okkur nema smáaura.

Við höfum átt góð og vaxandi viðskipti við þessa vinaþjóð okkar og hafa þau vera með miklum ágætum.

Þessi sama þjóð á þvílíkt magn peninga að brotabrotabrot myndi gera meira en að duga okkur til að skapa jafnvægi í gjaldeyrismálum þjóðarinnar.

Þetta er Kína.

Símanúmerið í sendiráðinu er 552 6751.

Ríkisstjórn Íslands á fundi

Hvað er þetta PR klúður búið að kosta?

Að forsætisráðherra skuli ekki hafa svarað breska forsætisráðherranum og fjármálaráðherranum í þessa veru strax í morgun og bakkað út úr vitleysunni strax, er búið að kosta það að Kaupþing í Bretlandi hefur verið lokað í allan dag, sem þýðir þá líklegast að gert verður áhlaup á þann banka á morgun, umfram það sem þegar hefur verið gert.

Það var þá glæsilegur árangur.

Eignir standi undir Icesave

Afleiðing hálfvitagangs

Þegar menn eins og Geir H Haarde og Davíð Oddsson voga sér að gefa út jafn hálfvitalega yfirlýsingu og þá að þeir ætli ekki að standa við ábyrgðir sem sannarlega hvíla á okkur Íslendingum, ábyrgðir sem grundvallaðar eru á EES samningnum, er ekki skrítið að Bretar fari í hefndar- eða þvingunaraðgerðir eins og þetta líklegast er. Tölum seinna um hvernig stóð á því að þessar ábyrgðir voru heimilaðar, en við erum komin út í ána og það er ekkert annað að gera en að halda áfram.

Nú er ekkert annað en að ganga í ættarsilfrið og standa við orð okkar.

Orðspor okkar til áratuga er í veði og hvers eiga komandi kynslóðir að gjalda að við höfum komið þessum mönnum til valda?

Kaupþing í London í greiðslustöðvun