Verður Írak rætt á landsfundi Sjálfstæðisflokksins?

Jón Sigurðsson, núverandi formaður Framsóknarflokksins og Halldór Ásgrímsson fyrrverandi formaður, hafa báðir sagt að stuðningur Íslands við innrásina í Írak hafi byggt á röngum forsendum og því verið rangar. Sá trúnaðarbrestur sem varð milli Íslands og Bandaríkjanna í aðdraganda innrásarinnar, hefur að beggja mati gert það að verkum að Sjálfstæðisflokkurinn þurfi að spyrja sig spurninga varðandi innrásina í Írak og sambandið við Bandaríkjamenn. Ég er ekki að sjá það í ályktanadrögum þeirra fyrir landsþing þeirra.

Það væri pólitískur heigulsháttur að ræða það mál ekki og gera það upp og skora ég á Sjálfstæðismenn að gera það opinskátt og hreinskilnislega, svo hægt sé að leggja það að baki sér og læra af því.

Athugasemdir

[Gestur Guðjónsson, 13.4.2007 kl. 00:58]

Ég er alveg sammála þér með að Kananum er alveg sama um okkur, þrátt fyrir yfirlýsingar DO um að þeir hefðu persónulega velvild með okkur.

Varðandi stríðsreksturinn sjálfan er ég hjartanlega sammála þér. Við skulum líka hafa það á hreinu að Íslendingar eru ekki beinir aðilar að þessu stríði og ákvarðanir Bandaríkjamanna hafa verið með þeim ólíkindum að mann bíður næstum í grun að áætlanirnar eftir sjálfa innrásina hafi ekki verið til.

En aðdraganda stuðnings okkar við Azoreyjayfirlýsinguna, málsmeðferð og undirbúning hefur Framsókn tekið skýra afstöðu til og lært af. Sérstaklega hvað varðar þann trúnað sem hægt er að leggja á orð núverandi stjórnarherra í Bandaríkjunum.

Það er eitthvað sem þeir flokkar sem stóðu að þessari ákvörðun verða að gera upp eða telja Sjálfstæðismenn að það hafi verið rétt að fara þarna inn með þeim hætti sem gert var og með þeim rökstuðningi sem beitt var og hefur sýnt sig að hafi ekki staðist? 

Reyndar bíð ég enn eftir að aðrir af þeim hlutum sem stóðu í Azoreyjayfirlýsingunni komist til framkvæmda, eins og loforð Bandaríkjamanna um að Palestínuríki yrði stofnað og fleiri góð mál sem Tony Blair ku hafa krafist að yrði einnig sett inn til að hann gæti réttlætt stuðning sinn.