Af tröppum stjórnarráðsins skal hoggið...

Ef ég væri Einar Hermannsson myndi ég íhuga það alvarlega að kæra Kristján Möller fyrir rógburð og árás á starfsheiður, en ráðherra samgöngumála lýsir því yfir af tröppum Stjórnarráðsins þann 14. ágúst að hann hafi krafist þess af Vegagerðinni að hún leiti aldrei framar ráða hjá honum. Hið sama hlýtur þá að gilda um önnur ráð skipaverkfræðingsins á verksviði sínu og þar með megi Siglingastofnun ekki samþykkja neitt það sem Einar skrifar upp á og er hann því samkvæmt því verklaus á Íslandi. Það hefur ítrekað komið fram að hann gaf ráð miðað við allt aðra framkvæmd og allt aðrar forsendur en Samgönguráðherra og Vegagerðin fóru svo af stað með.

• Hann miðaði við að ástandi skipsins vegna lélegs viðhalds yrði komið í viðunandi horf, en að öðru leiti yrði það óbreytt.
• Hann miðaði við að verkið yrði unnið í Austur-Evrópu, þar sem verð eru miklu lægri, en vegna þrýstings frá hagsmunasamtökum var veittur afsláttur frá útboðsskilmálum og samið við innlent fyrirtæki sem uppfyllti engan vegin þau skilyrði sem sett voru.
• Hann miðaði við að skipið yrði skoðað betur áður en gerður yrði kaupsamningur.
• Hann miðaði við að skipið fengist á mun lægra verði en raunin varð.
• Hann vann ekki þá skilmála og lýsingar sem verkið var unnið eftir og eftir að skipið var keypt kom hann á engan hátt að málinu.

Þess vegna getur Kristján á engan hátt staðið við þessi orð sín, en hann hefur þegar fellt sinn dóm, hafandi sent þessi fyrirmæli til Vegagerðarinnar, gert mannin ómerking sem skipaverkfræðing innan lands og verður að standa skil á þeim.

Ég myndi kæra.

Athugasemdir

[Jóhannes Ragnarsson, 17.8.2007 kl. 16:18]

Það mætti halda að Einar þessi Hermannson sé framsóknarmaður ...

Ég myndi kæra !!!!!!

[Gestur Guðjónsson, 17.8.2007 kl. 16:19]

Ég hef ekki hugmynd um það hvar í flokki hann er...

[Jón Jónsson, 17.8.2007 kl. 16:28]

Mér er slétt sama í hvaða flokki maðurinn er. Það er stórlega vegið að honum þar sem allar forsendur eru rangar. Það er hvergi talað um stórsvítur fyrir starfsmenn í hans matsskýrslu.

[Guðrún María Óskarsdóttir., 18.8.2007 kl. 02:53]

Sæll Gestur.

Þarna er ég mikið sammála þér, því ráðherrann hljóp verulega á sig varðandi yfirlýsingar og ummæli gagnvart einum einstaklingi í þessu máli.

kv.gmaria.