Ætlar fjármálaráðherra að leiða stjórnarskrárbrot í lög?

Fjármálaráðherra hefur boðað að hann muni leggja fram frumvarp þar sem forstöðumönnum ríkisstofnana og -fyrirtækja verði gert heimilt að taka lán hjá ríkissjóði ef þeir ætla sér að brjóta stjórnarskrána og eyða meiru en fjárlög gefa þeim heimild til. Eiga þeir einfaldlega að gera fjármálaráðherra grein fyrir því hvernig þeir ætla að greiða lánið til baka.

Í stjórnarskránni stendur:

"41. gr. Ekkert gjald má greiða af hendi, nema heimild sé til þess í fjárlögum eða fjáraukalögum."

Þetta er ósköp skýrt. Það má ekki greiða gjald af hendi nema með heimild í fjárlögum, þar með talið endurgreiðsla af lánum.

Með þessu ætlar Fjármálaráðherra sem sagt að veita sjálfum sér heimild til að ráðstafa fé á ósettum fjárlögum ókominna ára og skuldbinda Alþingi til að setja endurgreiðslur á lánum á fjárlög. Hann fái sem sagt sjálfdæmi um útgjöld ríkisins. Þetta er þvílík hringavitleysa að það tekur ekki nokkru tali.

Fjárlagafrumvarpið gerir ráð fyrir 30,8 milljarða tekjuafgangi 2008

Athugasemdir

[Emelia Einarsson, 2.10.2007 kl. 23:10]

Góð athugasemd sem þú gerir.

Sjávarútvegsráðherra varð sjálfum sér til skammar með hátterni sínu á þingi. Mætti hann í staðinn heita Ósvífinn gráðlingur.