Leiðréttingar ganga of skammt

Renndi lauslega yfir þessar breytingar á fæðingarorlofslögunum sem Jóhanna hefur lagt fram. Flest af því sem lagt er til er til bóta, enda getur gott lengi batnað og kerfið á að sjálfsögðu að fá að þróast. En eitt mesta óréttlætið er ekki leiðrétt. Fólk sem á börn með stuttu millibili verður nefnilega fyrir ósanngjarnri skerðingu, því ef greiðslur úr fæðingarorlofssjóði, sem eru 80% af heildarlaunum, falla innan viðmiðunartímabilsins fyrir seinna barnið fást bara 64% af heildarlaunum þess tímabils og svo koll af kolli.

Auðvitað á að miða við 100% af tekjum, sé greiðandinn Fæðingarorlofssjóður.

Í tíð Framsóknar var búið að koma þessu óréttlæti á framfæri og ég vissi ekki betur en að verið væri að undirbúa leiðréttingu á því á þeim tíma. Félagsmálaráðherra hefur því greinilega ákveðið að taka ekki tillit til þessa.

Viðbót kl 21:21

Hvað varð um kosningaloforð Samfylkingarinnar úr Unga Ísland?:

"4. Lengja fæðingarorlofið í eitt ár og tryggja börnum einstæðra foreldra sama rétt og öðrum börnum til samvista við foreldra. "

Hún ætti að hafa stuðning Sjálfstæðisflokksins sem ályktaði

"Sjálfstæðisflokkurinn stefnir að lengingu fæðingarorlofs. Gæta skal að því að ef aðeins einn aðili er með forsjá geti hann fengið fullt fæðingarorlof. "

Leggur til breytingar á lögum um fæðingarorlof

Athugasemdir

[Daði Þorkelsson, 11.2.2008 kl. 19:55]

Á sínum tíma setti Magnús fyrrverandi félagsmálaráðherra reglur sem áttu að leiðrétta þetta þannig að tekjur fæðingarorlofssjóðar kæmu ekki til skeðingar á öðru fæðingarorlofi. En samkvæmt þeim reglum þurfti orlofið að hafa verið frá 1. til loka mánaðar og ekki á neinn annan hátt.

 Ég reyndi að fá þetta leiðrétt og samkvæmt bréfi frá vinnumálastofnun á maður að leit til þeirra til að fá leiðréttingu en það er víst smáa letrið góða sem er mjög smátt og neðst á bréfinu þannig að þegar ég ætlaði að leita til félagsmálaráða fékk ég bréf þaðan að málioð yrði ekki skoðað því ég reyndi of lengi að fá leiðrétt hjá vinnumálastofnun. Frábært kerfi.

[Eiríkur Harðarson, 12.2.2008 kl. 01:31]

Þarna finna margir/allir feður/mæður hve fullkomið þetta félagslega kerfi okkar er, væntanlega dylst engum hví svo djúpt í árinni örorkulífeyrisþeginn "EG" tek. Hef glímt við þessa fötlun frá "83 þannig að þekkingu á gæðum þessa kerfis þykist eg hafa orðið allmikla.