Óttalegt bull í viðskiptaráðherra

22.7.2008 | 16:32

Yfirmönnum Kaupþings ber engin skylda til þess að segja viðskiptaráðherra neitt um sín plön, í þeirra huga hlýtur skyldan til að gæta hagsmuna hluthafa að vera sterkari samtölum við ráðherra. Þess vegna er þessi yfirlýsing viðskiptaráðherra algerlega marklaus og væri honum hollast að láta það eiga sig að gefa út yfirlýsingar um hluti sem hann hefur enga stjórn á og einbeita sér í staðinn að einhverju mikilvægara, eins og að reyna að ná stjórn á efnahagsmálin. Vinnumarkaðurinn heyrir og heldur ekki undir Viðskiptaráðuneytið, heldur Félagsmálaráðuneytið.

Það að kappkosta að halda úti bæði SPRON og Kaupþingi gæti þýtt að meðan verið er að sameina kerfi fyrirtækjanna verði báðum útibúakerfunum haldið úti. Þegar það er svo búið verður örugglega skoðað hvort útibúakerfið verður sett á og hvað verður gert við þau, því það er engin skynsemi í því að vera í samkeppni við sjálfan sig. Þá verði teknar ákvarðanir, þótt fyrirætlanirnar hljóti þegar að vera nokkuð skýrar.

	Ráðherra trúir ekki á uppsagnir
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Þetta er hárrétt athugasemd hjá þér.

Því miður virðast ráðherrar Samfylkingarinnar ekki enn hafa lært að þeir þurfa ekki að gefa út yfirlýsingar vegna allra hluta sem eiga sér stað í þjóðfélaginu.

Stundum geta slíkar yfirlýsingar jafnvel skaðað. Skaðað þeirra eigin flokk, skaðað samstarfsflokkinn og þar með stjórnarsamstarfið eða skaðað hagsmuni þeirra sem eiga í hlut.

Stundum eiga slíkar yfirlýsingar þó við og mér finnst minn eigin flokkur - Sjálfstæðisflokkurinn - alveg mega hafa skoðun á því sem þeim líkar ekki í ráðuneytum Samfylkingarinnar.

Ég er því ekki sammála að ráðherrar eða einhver flokkur "eigi" þetta eða hitt ráðuneyti líkt og lén - líkt og tíðkast hefur undanfarin 10-15 ár - og að samstarfsflokkurinn eigi alls ekkert að skipta sér af eða hafa skoðanir á þeim málum.

Allt er þetta spurning um orðaval og framsetningu og tímasetningu!

Guðbjörn Guðbjörnsson, 22.7.2008 kl. 20:55