Það var þá létt !!!

Miðað við þær kröfur sem sagt er að við þyrftum að lágmarki að standa, ef marka má lögfræðingana sem skrifuðu í Morgunblaðið í fyrradag, er það bara að tæma tryggingasjóðinn búið basta.
Einhvernvegin held ég að lífið sé ekki bara svona einfalt.
Gáfu bretar og Hollendingar algerlega eftir sínar kröfur, eða er þetta vitlaust þýtt hjá blaðamanninum?

Ísland standi við alþjóðlegar skuldbindingar

Athugasemdir

[Ívar Pálsson, 16.10.2008 kl. 22:22]

Bretar og Hollendingar gáfu ekki þumlung eftir. Raunar hækkar krafan bara. Eina svarið er að segja nei. Það verður erfitt mál að sækja fyrir Bretana eða Hollendingana, sérstaklega ef við berum gæfu til að láta bankana verða gjaldþrota.

[Hans Haraldsson (IP-tala skráð) 16.10.2008 kl. 22:46]

Þetta hefur ekki nema að hluta til að gera með lög.

Sparifjáreigendur, sveitafélög og fleiri töpuðu á Icesave reikningum í Bretlandi og Hollandi. Fólk er reitt yfir þessu burtséð frá allri lögfræði. Stjórnmálamenn vilja beina reiðinni eitthvert annað en að sér og því er henni beint að ríkisstjórn Íslands jafnvel þótt um hafi verið að ræða einkabanka án ríkisábyrgðar, a.m.k ekki yfir 20.000 evrur pr. reikning.

Ef það er nauðsynlegt að trampa á smáríki í erfiðleikum til að fella nokkrar pólitískar keilur þá er það bara gert. Þegar á reynir eiga þjóðir ekki vini heldur sameiginlega - eða andstæða- hagsmuni. Þannig er það bara.

Þegar skorið verður úr málunum fyrir rétti verður eitthvað annað komið í fréttirnar.

Síðan er til fólk sem þykir það prýðisgóð hugmynd að "deila fullveldinu" með "vinaþjóðum okkar" í ESB.