Til íhugunar fyrir Björgúlfana

24.10.2008 | 13:27

Ef þessi frétt er rétt, að Björgúlfarnir séu gengnir í lið með bretum og farnir að nýta sér hryðjuverkalög breta til að kaupa eignir á brunaútsölu út úr þrotabúi þeirra sjálfra af íslensku þjóðinni er rétt að skoða eftirfarandi ákvæði í stjórnarskrá Íslands:

"66. gr. Engan má svipta íslenskum ríkisborgararétti. Með lögum má þó ákveða að maður missi þann rétt ef hann öðlast með samþykki sínu ríkisfang í öðru ríki."

Eins er rétt að minna á ákvæði Almennra hegningarlaga um landráð:

"X. kafli. Landráð.
...
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.

89. gr. Beri íslenskur ríkisborgari í ófriði vopn gegn íslenska ríkinu eða bandamönnum þess, þá varðar það fangelsi ekki skemur en 2 ár.

Sömu refsingu skal hver sá sæta, sem í ófriði, eða þegar ófriður vofir yfir, veitir fjandmönnum íslenska ríkisins liðsinni í orði eða verki eða veikir viðnámsþrótt íslenska ríkisins eða bandamanna þess."

	Bretar selja eignir Landsbanka
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Það á að svipta þessa menn ríkisborgararétti, þeir hafa engan rétt lengur til að kalla sig Íslendinga. Þetta eru landráðamenn.

Greta Björg Úlfsdóttir, 24.10.2008 kl. 13:43

Nú, ef það er ekki hægt þá eiga þeir að fara beint í fangelsi. Það mætti kannski leyfa þeim að velja.

Greta Björg Úlfsdóttir, 24.10.2008 kl. 13:45

Fékk að birta þetta á minni síðu.

Hvergi nema á Íslandi gæti maður sem hefur valdið eins miklum skaða fengið að vera í friði heima hjá sér. Það verður afar forvitnilegt að fá að heyra hvað hann hefur að segja.

Halla Rut , 24.10.2008 kl. 14:02

Ojú, því miður er ég hrædd um að svona sé þetta víðar, Halla Rut, og jafnvel verra, það er ansi víða brotinn pottur...

Greta Björg Úlfsdóttir, 24.10.2008 kl. 15:19

Á Íslandi blasir þetta einfaldlega betur við, vegna þess hversu fá við erum.

Greta Björg Úlfsdóttir, 24.10.2008 kl. 15:20