Stóra planið - úreltar tamningaaðferðir

Það er eins og ríkisstjórnin sé að beita gamalli en ómannúðlegri tamningaraðferð á þjóð sína.

Hún er svelt og hrætt í langan tíma, þannig að þegar eitthvað kemur fram sem er ekki svartasta svartnætti, verður henni þakkað.

Viðbrögðin við því að verið sé að ræða við Frakka um að miðla málum, voru enda afar jákvæð. Feginsbylgja, sem nær alveg að yfirskyggja ræfildóminn í því að hafa ekki farið beint til London og Amsterdam og málið klárað við þá á hæsta stigi og sett það í farveg þaðan. Sendinefndir hafa bara takmarkað umboð og einstaka embættismenn eiga það til að vilja skora stig með stífni, eins og ESB embættismennirnir gerðust berir að ef marka má Árna Mathiesen. Maður fréttir bara sjaldan af því, en það er örugglega talsvert algengt.

-----

Sama er með þetta IMF lán. Reynt er að leiða fólk í hreina örvinglan, þannig að fólk kalli á lausn, bara einhverja lausn, ekki endilega góða, þannig að þegar lausnin svo kemur verða allir kátir.

IMF vill auðvitað ekki lána fyrr en ljóst er að planið sem fara á eftir getur gengið upp.

Hvað halda menn eiginlega?

------

Svo hef ég heyrt, á eftir að finna það á heimasíðu IMF, að mismunun á grundvelli þjóðernis sé bönnuð samkvæmt reglum IMF.

Þess vegna eru yfirlýsingar ríkisstjórnarinnar um að verið sé að beita okkur bolabrögðum af hendi breta og Hollendinga með því að blanda þessum tveimur málum saman í besta falli blekking, í versta falli lygi.

Utanaðkomandi mál tefja

Athugasemdir

[Jón Ólafur Vilhjálmsson, 14.11.2008 kl. 16:04]

Því miður ríkistjórnin hefur frá því að bankarin voru komnir að því að hrynja ekki sagt rétt frá nokkrum aðgerðum það er logið að almengi trekk í trekk og eininn trúir þeim lengur. Við brögð þerra er að ráða til sín blaðafulltrúa,þannig að þá verður hægt að ná til almennings með nýrri rödd  þþað sem þeir seigja af málum er ekki lengur hlustað á, fólk lætur ekki hafa sig að fífli aftur og aftur