Hvaða skoðun hafa 3,6% Frjálslyndra?

Það er allrar athygli vert að 51,6% skuli vera á móti aðildarviðræðum, 34,8% fylgjandi, 9,5% óákveðnir og 0,5% kusu ekki á réttan hátt.

En hver er skoðun þeirra 3,6 prósenta sem ekki var gert grein fyrir, en í fréttinni var gerð grein fyrir afstöðu 96,4% þeirra sem þátt tóku?

Eins væri nú eðlilegt í svona frétt að gerð yrði grein fyrir þátttökuhlutfalli.

Frjálslyndir hafna ESB-aðild

Athugasemdir

[Jónas Egilsson, 24.1.2009 kl. 22:28]

Gestur.

Úr því að Sam-fylkingin er eiginlega hvorugt orðin og á leið út úr stjórnarsamstarfi að því er virðist, fer Sjálfstæðisflokkurinn ekkert að velta þessum ESB málum frekar fyrir sér. Hætt er við að kröfur Framsóknarmanna verði ekki nokkuð sem þeim í Brussel hugnast. Afstaða VG er vel þekkt. Síðan er farið að draga úr vinsældum ESB hér á landi ef marka má nýjustu kannanir.

Með öðrum orðum að málið er dautt - í bili a.m.k. Ég reyndar segi því miður, því þótt ég sé ekkert inná aðild, var það a.m.k. nauðsynlegt að mínu mati að meta kosti og galla til langframa með aðildarumsókn.

[Sigurður Þórðarson, 24.1.2009 kl. 22:53]

Ég er sáttur við stefnumörkun Framsóknar í ESB ef þeir standa við hana.  Eins og komið er fyrir Íslandi megum við ekki við því að missa auðlindirnar.

En hvernig í ósöpunum ætla menn að standa við vaxtagreiðslur upp á 180.000 á hverja fjögurra manna fjölskyldu á mánuði?  Það verður að stokka upp allt ríkiskerfið og stýra landinu eingöngu með þjóðarhag að leiðarljósi. Í hvað eru Íslendingar að stefna?

[Valdimar Sigurjónsson, 24.1.2009 kl. 23:36]

Kannski það sé ekki birtingarhæft.....hehe