Óttalega nánasir eru þetta

Þessi fyrirtæki sem mest hafa verið spyrt við Framsókn hverra flokkurinn hefur mest þurft að verjast ásökunum um að ganga hagsmuna eru óttalegar nánasir.

Milljón hver og rétt rúmlega það ef þau eru yfir höfuð að styrkja flokkinn!!!

iss...

Framsókn opnar bókhaldið

Athugasemdir

[Salvör Kristjana Gissurardóttir, 12.4.2009 kl. 20:30]

Ég tek undir með þér. Mér finnst mjög súrt að þessi eignarhaldssjóður Samvinnutrygginga hafi styrkt Samfylkinguna um sömu upphæð og Framsókn. Framsókn hefði átt að fá miklu hærri styrk, þetta hefði átt að vera graslendi og akur Framsóknar en ekki spilapeningar einhverra fjármálamanna sem tóku yfir "fé án hirðis". Tengsl samvinnuhreyfingarinnar eru sterk við Framsóknarflokkinn.

Annars hefði verið gáfulegt á sínum tíma að eignum Gift og annarra samvinnufélaga sem rifist var um eignarhald á hefði verið skipt upp á félagshyggjuflokka  til að vinna að betra lýðræði á Íslandi, ég sé eftir því fé sem núna er sennilega allt glatað í Hruninu, farið í þann súg sem ryksugaði upp allt fé á Íslandi. 

[Gestur Guðjónsson, 12.4.2009 kl. 20:36]

Fyrir bólu var þetta Giftarfé lítið sem ekkert, jóx upp í himinhæðir og endaði eins og það byrjaði.

Easy comes - easy goes...

[Sigurður Þórðarson, 12.4.2009 kl. 21:32]

Sæl verið þið gott fólk og gleðilega hátíð.

Vill einhver ykkar vera svo vænn að fræða mig um fyrir hvað Eykt var að borga 5 milljónir?

[Gestur Guðjónsson, 12.4.2009 kl. 22:49]

Eykt styrkti Framsókn eins og Samfylkingu og Sjálfstæðisflokk til að styðja lýðræðið í landinu. Við í málefnanefnd Framsóknarflokksins höfum aldrei nokkurntíma fundið fyrir þrýstingi vegna fjárveitinga frá fyrirtækjum varðandi stefnumörkunina, hvorki frá þessu fyrirtæki né öðrum.

[Sigurður Þórðarson, 12.4.2009 kl. 23:30]

Gott og vel þetta eru þín orð. En hvað styrkti Eykt Óskar Bergsson mikið í þágu  lýðræðisins í landinu?

[Gestur Guðjónsson, 12.4.2009 kl. 23:50]

Hef ekki hugmynd um fjármál framboðs Óskars Bergssonar, frekar en fjármögnun nokkurra annarra prófkjöra en minnar eigin fyrir nokkrum árum.

Ef prófkjörsbarátta Óskars er borin saman við aðrar prófkjörsbaráttur, tel ég nú ekki miklar líkur á því að hann hafi þurft að afla mikls fjár. Veit það náttúrulega ekki fyrir víst.

[Gestur Guðjónsson, 12.4.2009 kl. 23:51]

Þú verður að koma með vísbendingar um að Óskar hafi á einhvern hátt komið Eykt vel í sínum embættisfærslum áður en þú heldur áfram þínum dylgjum. Annars verður að líta á málflutning þinn sem róg, sem ég veit að þú vilt ekki.

[Rúnar Þór Hermannsson, 13.4.2009 kl. 01:58]

HA?

Gestur: Eykt (borgar) styrkir framsókn, samfylkingu og sjálfstæðisflokk til að "styðja" við lýðræðið í landinu????? Byggingarfélag sem átti svona mikið undir stjórnvöldum ríkis og bæjar??? (SEM VORU FRAMSÓKN, SAMFYLKING OG SJÁLFSTÆÐISFLOKKUR) Þetta heita mútur og ekkert annað.

Og Salvör: Framsókn hefði átt að fá miklu meira en samfylkingin úr "Eignarhaldssjóði samvinnutrygginga". Hvernig í veröldinni getur þú afsakað það að sjóður sem á að varðveita fé eigenda sinna skuli eyða ómældum fjárhæðum í styrk til "réttra" stjórnmálaflokka? Ef það eru ekki mútur þá er það siðspilling á svo háu plani að það er kriminalt.

[Salvör Kristjana Gissurardóttir, 13.4.2009 kl. 12:47]

Rúnar: Saga samvinnuhreyfingar og Framsóknar er samofin. Ég vísa á sögudoðranta um það. En málið var nefnilega að þegar samvinnuhreyfingin liðaðist í sundur þá var afar óljóst hverjir áttu þessar eigur og grunur hefur legið á að einstakar verðmætar eigur hafi ratað í eigu einstaklinga.

Það er því ekki verið að tala um eigur einstaklinga, það er verið að taka um eignir sem söfnuðust upp vegna framlags fólksins og fólkið átti í samvinnufélögum. Þetta fé hafa sumir Sjálfstæðismenn kallað "fé án hirðis" og þeir eru eins og við vitum öðrum duglegri að draga til sín fé og þeir hafa sumir talið að svona fé t.d. bundið í sparisjóðum væri þeirra persónulegu spilapeninga og þeir væru góði hirðirinn.

Ég hafna því. Það sem fólkið og samfélagið skapaði á að renna til samfélagsins alls, ekki í vasa einstaklinga. Það myndi hafa verið betra að styrkja lýðræðið í landinu heldur en  þotukaup útrásarliðs.