Hvað með tekjustofnana?

Alveg eins og það er skammgóður vermir að éta útsæðið, þýðir lítið að hækka skattprósentuna, ef skattstofnunum er ekki sinnt.

Verulegar fjármagnstekjur verða örugglega sjaldgæfar næstu árin og sömuleiðis hátekjur.

Það skilar nefnilega mikið meira að breikka skattstofnana heldur en að blóðmjólka þá. Það endar bara með flótta þeirra úr landi eða í svart hagkerfi.

Þess vegna verður að byrja á réttum enda, að stöðva frekara hrun efnahagslífsins og hefja enduruppbyggingu þess.

Fyrsta skrefið er að koma bönkunum í gang, þannig að þeir geti farið að sinna fjölskyldum og fyrirtækjum.

Skattahækkanir úr ríkisstjórn

Athugasemdir

[Sigrún Aðalsteinsdóttir, 16.6.2009 kl. 23:13]

Þú meinar, lána meira með hærri vöxtum. Auðvitað á að skattleggja þá sem hæstar hafa tekjurnar.  Með þessu virðist þú vera að segja að þeir sem eru í þeirri stöðu séu þeir sem svindla undan skatti.  Svei þeim.