Pólitískur hráskinnaleikur Steingríms Joð vegna sölu HS orku

Fyrir liggur að Orkuveita Reykjavíkur verður að selja sinn hlut í HS orku. Farið var í langt og opið útboðsferli, þar sem allir höfðu jafna möguleika á aðkomu. Líka ríkið, dótturfélög þess, lífeyrissjóðir og aðrir.

Þegar fyrir lá að tilboð Magma væri hagstæðast, óskaði fjármálaráðherra, Steingrímur J Sigfússon eftir viðbótarfresti til að kanna það hvort ríkið gæti gengið inn í þessa samninga.

Var sá frestur veittur.

Á þeim tíma kom ekkert fram sem hönd var á festandi og því stóð stjórn OR í þeirri stöðu að þurfa að velja á milli þess að taka hagstæðu tilboði Magma og uppfylla með því lagaskyldur sínar eða hafna því og bíða eftir því að ríkið myndi hugsanlega á einhvern hátt, einhverntíma koma með tilboð sem ekkert væri öruggt að væri vita nærri eins hagstætt og það sem Magma kom með og sitja uppi algerlega í lausu lofti gagnvart lagaskyldum sínum.

Auðvitað getur Steingrímur J ekki beitt bönkunum eins og hann reyndi að setja í loftið í gær,. Hver veit hver á þá á morgun? Líklegast verða það erlendir aðilar, ekki á að skilyrða sölu þeirra til íslenskra aðila býst ég við, þannig að aðkoma þeirra er ekki líkleg og þá eru lífeyrissjóðirnir og ríkið sjálft ein eftir.

Lífeyrissjóðirnir máttu bjóða í hlutinn meðan útboðsferlið var í gangi og væri það gróft brot á útboðinu að fara að handvelja þá inn núna.

Steingrímur J veit sem er að það er vita vonlaust fyrir ríkið að leggja pening í svona verkefni núna, hver ætti að lána ríkinu fyrir slíkum fjárfestingum, auk þess sem hann hefur ekki stuðning Samfylkingarinnar í sinni vegferð, en fulltrúar hennar, þar á meðal iðnaðarráðherra hafa sagt málið allt hið besta.

Steingrímur J hefur einfaldlega mislesið eigin flokk og er að reyna að ganga í augun á honum með ómerkilegum hráskinnaleik, sem er honum til mikillar minnkunar.

Gunnar Sigurðsson, fulltrúi Akraness í stjórn OR orðar þetta afar vel þegar hann bókaði á fundinum í gær:

"Ég er sammála því orkufyrirtæki á Íslandi eigi að vera í eigu íslenskra aðila, en það sé ekki verkefni Orkuveitunnar að sjá til þess. Sala Orkuveitu Reykjavíkur á hlut sínum í HS Orku er nauðsynleg lagalega og góð fjárhagslega fyrir rekstur Orkuveitunnar"

Vilja hlut Geysis Green

Athugasemdir

[Skeggi Skaftason, 1.9.2009 kl. 10:33]

Það var iðnaðarráðherrann Valgerður Sverrisdóttir sem á "heiðurinn" af núverandi raforkulögum sem gera þetta "lagalega nauðsynlegt". Sú lög voru og eru óttalegur bastarður sem óljóst er að nokkru hafi skilað nema reglugerðarflækju.

Það var alla tíð ljóst að það væri í besta falli mjög óvíst hvort það myndi einhverjum ávinningi skila að búa til "samkeppnismarkað" fyrir raforkusölu, byggt á Evróputilskipun sem tekur mið af 100 sinnum fjölmennari löndum með raforkulínur þvert á landamæri. Þetta var ekki hægri-vinstri ágreiningur heldur spurning um common sense.

 Ljóst er að þetta hefur engu skilað fyrir neytendur.

[Gestur Guðjónsson, 1.9.2009 kl. 11:27]

Skeggi. Það var skoðað vandlega hvort við gætum komist hjá því að taka þetta upp í íslensk lög. Það var ekki talið hægt. Svo er þessi gerningur ekki afleiðing raforkulaganna, heldur samkeppnislaga.

[AK-72, 1.9.2009 kl. 11:32]

Fulltrúarnir í stjórn OR voru ekki að vinna vinnuna sína eða hugsa um hag vinnuveitenda sinna, í þessu nýja REI-máli. Reykvíkignar munu tapa á 5-6 milljörðum á  þessu braski þar sem allt er lagt í sölurnar til þess að koma eignum almennings í hendur Magma, fyrirtækis sem enginn veit hver á en sögur segja að Rio Tinto, Halldór J. Kristjánsson og önnur óbermi komi nálægt því.

Samningurinn er svo hrein hörmung. Smágreiðsla nú og 70% lánað með kúluláni til 7 ára á svo lágum vöxtum að það er gjafverð, sérstaklea þegar miðast við verðbólgu. Einnig er skuldabréfið sem OR lánar, og já, síðan hvenær varð OR lánastofnun, að hluta til bundið í alverði og í dollurum þannig að matreiðslan á verðinu er enn meira fals eþgar litið er til þess að ef dollarinn hækkar, þá fæst minna fyrir peningiinn. Einnig er veðið í í hlutabréfunum, nokkuð sem við höfum lært af biturri reynslu í bankahruninu að er algjört prump og engar rauvnerulegar eignir á bak vð. Við gætum því setið upp með stórskuldugt fyrirtæki á meðan þeissi "öðringar" í teinóttum fötum með hýenu-eðlið ganga í burtu glottandi.

Þegar horft er á þetta og hverjir tengjast þessu öllu, nær því allt sömu leikendur og í REI-málinu, þá verður manni ljóst að þarna hangir eitthvað á spýtunni, eitthvað sóðalegt á bak við tjöldin og miðað við hverjir eiga í hlut, þá má giska á S-hópur og einhverjir aðrir útrásarv´kingar séu að græða á þessu feitt. Allavega er það ekki hagsmunir almennigns sem ráða för, heldur hagsmunir þeirra sem tengjast klíkum REI-flokkana eða hafa greitt eitthvað undir borðið líkt og þegar FL Group styrkti Sjáflstæðisflokkinn um 25 milljónir til að liðka fyrir einkavæðngu á Hitaveitu Suðurnesja á sínum tima.

[Gestur Guðjónsson, 1.9.2009 kl. 14:10]

AK-72: Þetta var hagstæðasta tilboðið sem barst í útboðsferli sem OR neyddist til að fara í vegna úrskurðar Samkeppnisyfirvalda og dóms Hæstaréttar.

Ef hagstæðara tilboð hefði verið á borðinu er ég ekki í vafa um að því hefði verið tekið.

[AK-72, 1.9.2009 kl. 14:20]

Hagstæðasta hefur ekkert með að gera í þessu. Þarna er verið að koma auðlindum þjóðarinnar í hendur teinóttklæddra hýenna, sem svífast einksins. Borgarfulltrúarnir og OR hafa ekkert umboð frá kjósendum sínum hvað þá þjóðinni til þess og að selja þetta með 5-6 milljarða tapi sem VIÐ ALMENNINGUR Í REYKJAV'IK ÞURFUM AÐ GREIÐA, er algjörlega óásættanlegt í hið minnsta og í versta falli landráð af hálfu REI-flokkana.

Þetta er tilboð sem hægt er að segja auðvleldega NEI og AFTUR NEI við og ber skilyrðislaust að hafna. Ekki var reynt að sækja um frest til Sakmeppniseftirlitsins eða finna laust til að halda þessu í almenningseigu, nei það var hjólað í það að gefa þetta til Magma, hvort sem um ræðir heimsku hugmyndafræði þessara tveggja Hrun-flokka eða hvort sem þeim hafi einfaldlega verið borgað undir borðið. Samningurinn ber allavega þess vott að vera skítasamningur til handa borgarbúum.

Ég legg því til að allir taki sig til og láti reiði sína í ljós til að stöðva þetta. Sendið tölvupósta, drekkið ráðhúsinu og flokkskrifstofum REI-flokkana í mótmælaföxum, hringið í borgarfulltrúana sem eiga að vera að starfa fyrir okkur Reykvíkinga en ekki eitthvað dularfullt fyrirtæki sem annaðhvort er í eigu Rio Tinto eða útrásarvíkinga. Látið þið heyra það út á götum, neitið þeim um afgreiðslu á veitingastöðum og í búðum, látið til ykkar taka í beinum mótmæla-aðgerðum til að stöðva þessa einstöku svívirðu samviskulauss fólks.

Lýsum yfir stríði gegn þeim þar til þau sjá að sér og bakka með þessa glórulausu heimsku frjálshyggjunar sem hér fer fram að hætti nýs REI-máls.

[AK-72, 1.9.2009 kl. 14:28]

Og eitt enn, þetta er ekkert annað en rán í dagsbirtu með aðstoð stjórnmálamanna af því tagi sem hjálpuðu útrásarvíkingunum við að koma þjóðinni á hausinn.

Við megum ekki leyfa þeim að ná auðlindunum líka.

[Finnur Bárðarson, 1.9.2009 kl. 15:11]

Sú saga gengur fjöllum hærra að gamli S hópurinn sé með puttana í þessu bak við tjöldin. Sel ekki dýarara en ég keypti. En það kemur á daginn ef satt reynist.

[Gestur Guðjónsson, 1.9.2009 kl. 16:22]

AK-72: Það er ekki verið að selja auðlindina sjálfa, en vissulega hefur HS orka vinnslurétt á auðlindum. Það er reginmunur þar á.

Finnur Bárðar: Ég trúi því ekki fyrr en ég tek á því, en Magma Energy er raunverulegt fyrirtæki sem er á markaði, ekki eitthvað skúffufyrirtæki úti í bæ.

[AK-72, 1.9.2009 kl. 17:40]

Það er ekkert sérlega mikill munur á þegar rétturinn er til erlendra aðila og einka-aðila til allt að 130 ára.

Það eru nokkrar kynslóðir íslendinga sem þurfa að þola hækkandi orkuverð, versnandi þjónustu og missi á auðlind sinni. Þetta er ekkert annað en sala þó REI-flokkarnir dulbúi þetta á þennan hátt.

Það á að lýsa yfri stríð gegn því fólki semvinnnur þarna af krafti við að koma auðlindum vorum í hendur stórhættulegra braskara, og stöðva það í þessari óhæfu. Eins og ég segi, senda tölvupósta, faxa, hringja, láta þau heyra í það af krafti, mótmæla og grípa til beinna mótmæla-aðgerða gegn þeim og REI-flokkunum tveimur auk annara sem vilja keyra þetta í gegn.

Þetta ma´ekki gerast, það er búið að vara okkur við svona rándýrum, það verður að kæfa þetta strax og koma í veg fyrir að auðlindirnar verði undir bröskurum, innlendum sem erlendum með öllum tiltækum ráðum. Þessr menn hafa aðeins eitt í huga,þeir ætla sér aðeins um að ná sem mestu úr rányrkju og skilja okkur Íslendinga eftir í skítnum.

Grípum til aðgerða strax og það af svo miklum krafti, að öfl græðignnar í REI-flokkunum neyðast til að bakka með þessa svívirðu.

[AK-72, 1.9.2009 kl. 17:49]

Og svo fólk geri sér í hugarland tap Reykvíkinga af samningnum bara í krónutölu, þá dugar að manni sýnist í fljótu bragði þessi 5-6 milljarðar sem tapast á þessum samning REI-flokkana við skuggafyrirtækið Magma sem virðist  hafa ansi greiðan aðgang að þessum tveimur flokkum(S-hópurinn og einhverjir slíkir?), eru ca. 50-60 þúsund krónur per Reykvíking sem þarf að bæta upp með skattekjum í staðinn og þessir 5-6 miljarðar gætu jafnvel dugað til að reka leikskólana í hálft ár.

Viljið þið taka á ykkur auknar byrðar á tímum kreppu þar sem hýenur nýta sér tækifærin til að nálgast eigur almennings á bruna-útsölu, vegna þess að REI-flokkarnir tveir vildu koma auðlindum landsins í einkavina hendur með versnandi lífskjörum til handa þjóðinini eða viljið þið eiga þessa eign til frambúðar í umsjá íslensku þjóðarinnar, svo við getum nýtt hana sjálf í okkar þágu?

Þetta fólk sem tekur þessa ákvörðun nú, hefur ekkert umboð frá borgurum í Reykjavík né þjóoðinni til að stunda svona brask með auðlindir allra Íslendinga. 

[Gestur Guðjónsson, 1.9.2009 kl. 21:37]

AK-72: Ekki gleyma því að OR var þvinguð til þessarar sölu af Samkeppnisstofnun.

[Baldur Fjölnisson, 1.9.2009 kl. 22:38]

Orkugeirinn er algjörlega gjaldþrota eins og annað í þessu landi og hefur skipulega verið skuldsettur upp fyrir haus í þrot og er núna skiljanlega á útsöluprís eins og annað gjaldþrotagóss hér. Ómerkilegustu skækjum fjóskipta einflokksins hefur verið raðað á garðann í þessum óhugnaði eftir að hægt var orðið að sigla skuttogara um afturendann á þeim í pólitíkinni og árangurinn er eftir því.