Nornaveiðar

Líklegast er það óhjákvæmilegur fylgifiskur þess ástands sem við lifum í, öll sú spilling og firring sem er að koma upp á yfirborðið veldur því, að allt sem gert er, sé blásið upp og tortryggt þannig að nornaveiðum líkist.

Það að Össur Skarphéðinsson skuli hafa hagnast um 30 milljónir er ein og sér alveg næg ástæða til að selja. Hann hafi fengið tilboð sem hann gat ekki hafnað.

Því hafi Össur ekki þurft að búa yfir nokkrum innherjaupplýsingum og þess vegna held ég að hann hafi hreinan skjöld

- í þessu máli.

Hagnaður Össurar af sölu stofnfjárbréfa 30 milljónir

Athugasemdir

[Jón Valur Jensson, 5.2.2010 kl. 10:26]

Fekk hann tilboð? Og ef hann gat hugsanlega búið yfir innherjaupplýsingum (slíkur maður er nú líklegur til að frétta margt), er þá ekki fullsnemmt að gefa sér sakleysi hans? Ekki sleppur Baldur Guðlaugsson svona létt. En þú ert þó ekki Samfylkingarmaður eða Vinstri grænn?

[Gestur Guðjónsson, 5.2.2010 kl. 10:51]

Ég er framsóknarmaður og lítt um þessa ríkisstjórn gefinn, svo ekki sé meira sagt, en allir stofnfjáreigendur fengu tilboð um að selja hluti sína, og þar með örugglega líka Össur. Baldur var sannanlega á fundum þar sem innherjaupplýsingar um Landsbankann voru ræddar, en ekkert hefur komið fram um að það eigi við um Össur.

Menn verða að njóta sanngirni í umfjöllun og vera fá að vera ódæmdir þar til annað kemur í ljós.

[Jón Valur Jensson, 5.2.2010 kl. 15:58]

Það er alveg rétt hjá þér, Gestur. Hann hefur kannski leitað sér ráðgjafar og áttað sig á því, að fjarmálabólan væri að hjaðna, eða heyrt á skotspónum, að hagkvæmast væri að selja, þótt ýmsir aðrir hafi látið blekkjast af fagurgala stjórnar sparisjóðsins um sæmilega stöðu hans. Það á þó enginn að hafa neitt á móti því, að kannað verði, hvort Össur hafi haft aðgang að innherjaupplýsingum. En þakka þér svarið, Gestur framsóknarmaður!

[Finnur Bárðarson, 5.2.2010 kl. 16:33]

Það er eðlilegt að skoða alla stjórnmálamenn ofan í kjölinn og gildir þá einu í hvaða flokki menn telja sig vera. En það vill brenna við að menn fái syndakvittun ef flokksskýrteinið er í lagi. Geri ráð fyrir að Jón Valur vilji skoða t.d. Bjarna Benediktsson eða Illuga bara til að gæta samræmis.

[Jón Valur Jensson, 5.2.2010 kl. 17:05]

Bjarni og Illugi eru ekkert á mínum vegum – og ég ekki á þeirra vegum og enn síður mín Kristnu stjórnmálasamtök!

[Sigurður Þórðarson, 5.2.2010 kl. 17:13]

Hver skyldi vera ástæða þess að framsóknarmenn (rétt eins og aðrir menn) vilji ekki fyrir nokkurn mun skoða hvort Össur hafi hagnast á innherjaupplýsingum? 

Það er nefnilega þannig með lykkjuföll að það  getur verið varasamt að toga í þau.

[Finnur Bárðarson, 5.2.2010 kl. 18:02]

Er Össur á þínum vegum Jón ?

[Jón Valur Jensson, 5.2.2010 kl. 20:44]

Nei, sem betur fer ekki, því að engan á ég gapastokkinn.

[Jón Halldór Guðmundsson, 5.2.2010 kl. 22:40]

Þetta eru auðvitað púra nornaveiðar. Fréttirnar um Össur og Kristján Guy Burgess eru ágætt dæmi um það. Eins er umræðan um Ásbjörn Óttarsson nornaveiðakennd.  Hann gerði nákvæmlega það sem liðist hefur athugasemdalaust af þeim sem reka ehf í þessu landi og stefna frjálshyggjustjórnar íhalds og framsóknar var sú að greiða götu hlutafélaga á allan hátt og mismuna þannig rekstrarformum.

Ásbjörn gerði í raun ekkert annað en að taka út arð úr fyrirtækinu sínu umfram heimildir.  Ef hann verður uppvís af lögbrotum á hann að sæta rannsókn, dómi og refsingu, en ekki mannorðsmorði, án réttarhalda.

Það er bara þannig.