Beinar tillögur - lausnir - nei, takk

Valgerður Bjarnadóttir leggur fram tillögu um útfærslu á ákveðnu máli. Kristrún Heimisdóttir lagðist alfarið gegn því með stuðningi landsfundsins að skýrar, vel skilgreindar tillögur séu ekki í samræmi við starfshefðir flokksins!!! Ja hérna. Svo vill flokkurinn að hann sé tekinn alvarlega!

Framsókn vill afnema öll sérréttindi Alþingismanna. Einfalt, skýrt, sanngjarnt.

Hart deilt um meðferð tillögu um eftirlaunafrumvarp

Athugasemdir

[Tómas Þóroddsson, 14.4.2007 kl. 17:18]

Gestur. Ert þú ekki búinn að lýsa því yfir margoft á netinu að flokksforystan sé löngu búinn að ákveða þetta. Nú serðu að svo er ekki.

En í þessu máli var ekki nægur tími til að útfæra tillögur. Allsherjanefndin sem var skipuð var sammála um breytingar, en ekki útfærslu.

[Átakshópur um heilbrigða skynsemi í pólitískri umræðu, 14.4.2007 kl. 17:54]

Bæði í stefnuræðu formanns og í samþykktri stjórnmálaályktun landsfundar kemur skýrt fram að afnema á þessi spilltu eftirlaunaréttindi sem búa til lítinn íslenskan aðal sem ekki deilir kjörum með þjóðinni.

Stefnan og markmiðin liggja fyrir.

Svo semjum við lagafrumvarpið. Deila Kristrúnar og Birgis Dýrfjörð snerist aðeins um það hvort verja ætti tíma alls landsfundar í að fullskrifa lagafrumvarpið. Yfirleitt afgreiða fullskipaðir landsfundir ekki frumvarpstexta en þessi fína tillaga Valgerðar og félaga er vissulega mikilvægt nesti þegar Samfylkingin fer að fylgja eftir skýrri stefnu sinni.

[Gestur Guðjónsson, 14.4.2007 kl. 17:58]

Tommi. Beitti forystan sér ekki fyrir því að þetta yrði ekki samþykkt? Þegar fram koma tillögur sem þingflokkurinn var ekki búinn að samþykkja sjálfur er því vísað frá og í nefnd... Flott.

Átaks...... gott. Samstíga Framsókn. Halldór Ásgrímsson, sem Samfylkingin hefur alltaf haft svo mikið dálæti á, vildi einmitt afnema þetta og þetta er skýrt í okkar ályktunum.

[Átakshópur um heilbrigða skynsemi í pólitískri umræðu, 15.4.2007 kl. 00:18]

Forystan stóð einhuga að baki stjórnmálaályktuninni og þar með þessum kafla eins og kom skýrt fram í stefnuræðu formannsins.

En skiljanlega veldur frétt Mbl. misskilningi því þar kemur ekki fram meginpunkturinn í röksemdum alsherjarnefndar landsfundarins fyrir því að afgreiða ekki texta lagafrumvarps um eina útfærslu, semsé sá að þetta sé í sjálfri stjórnmálaályktuninni. Sú lykilstaðreynd er falin á bakvið skammstöfunina "m.a." í þessum hluta fréttarinnar:

"Sagði Kristrún tillögu um efnisumfjöllun upphaflega hafa verið vísað frá á þeim grundvelli að hún hafi verið sett fram í formi lagafrumvarps og slíkt sé ekki í samræmi við starfshefðir flokksins. Hún telji hins vegar að vilji flokksins í málinu hafi komi mjög skýrt fram á fundinum m.a. í ræðu Ingibjargar Sólrúnar Gísladóttur, formanns flokksins í gær."

E.t.v. má segja að eðlilegra hefði verið af blaðamanni Morgunblaðsins að geta hins, þ.e. að fundurinn væri að afgreiða skýra stefnu í málinu en hver miðill hefur sinn stíl í upplýsingamiðlun.

[Gestur Guðjónsson, 15.4.2007 kl. 11:28]

Auðvitað stóð forystan einhuga að baki stjórnmálaályktuninni. Enda búið að kynna hana að mestu leiti í fjölmiðlum fyrir þingið.