Vonandi verður Landsvirkjun ekki sett á sölu

Það er ekkert í stefnuskrá Samfylkingarinnar sem stendur á móti því að Landsvirkjun verði seld, en Sjálfstæðisflokkurinn setti það á sína stefnuskrá fyrir kosningar. Væri það ótrúlegt óheillaspor og sannaði hversu nauðsynlegt það hefði verið að fá auðlindaákvæðið inn í stjórnarskrána á síðasta þingi. Illu heilli stóð Samfylkingin í vegi fyrir því að sameign þjóðarinnar á auðlindum hennar væri tryggð í stjórnarskrá. Ætli það sé vegna þess að þetta stjórnarsamstarf hafi verið löngu undirbúið og málefnavinna langt komið að hún hafi gert það?

 

Stjórnarmyndunarviðræður halda áfram um helgina

Athugasemdir

[Friðrik Þór Guðmundsson, 19.5.2007 kl. 21:56]

Rifjaðu upp fyrir mig hvar Framsókn stendur í þessu og gerði í samflotinu með Sjálfstæðisflokknum. Getur verið að Framsókn hafi undirbúið söluna á fullu? Jóhannes nokkur? Og nú Magnússon-bróðir með formennsku og annar Magnússon bróðir í stól hjá Glitni tilbúinn að kaupa?

[Gestur Guðjónsson, 19.5.2007 kl. 22:04]

Það skal ég með gleði gera Friðrik. Á síðasta flokksþingi var samþykkt ályktun um að Landsvirkjun skuli vera í eigu ríkisins. Landsvirkjunarmenn, með nafna þinn Sophusson hafa viljað bæta eiginfjárstöðu fyrirtækisins með inntöku nýs fjármagns og bent á lífeyrissjóðina, en þær raddir hafa hlotið kaldar móttökur innan flokksins og þótti mönnum ástæða til að nefna það sérstaklega á flokksþinginu og rataði sú ályktun einnig inn í kosningastefnuskrána.