Great global warming swindle - mótrök óskast

Horfði á afar áhugaverðan þátt á DR 2 í gær, Great global warming swindle, blekkingin um gróðurhúsaáhrifin. Þar eru færð afar sannfærandi rök fyrir því að verið sé að snúa hlutunum við í umræðunni um gróðurhúsaáhrifin, að aukinn styrkur koltvísýrings í andrúmsloftinu sé vegna hækkandi hitastigs, ekki öfugt. Sýndar voru mælingar því til staðfestingar þar sem sveiflur í styrk koltvísýrings fylgja hitastigssveiflum, en með talsverðri seinkun. Færð voru rök fyrir því að hækkun hitastigs Jarðar sé vegna aukinnar virkni sólarinnar og aukinn koltvísýringur í andrúmsloftinu sé vegna þess að þegar heimshöfin hitna missi þau úr sér koltvísýringinn. Ferli sem ég man svosem alveg eftir úr efnafræðinni.

Það væri gaman að fá í komment hérna tengla á síður sem færa mótrök við þeim rökum og staðhæfingum sem haldið er fram í þessum þætti.

Athugasemdir

[Einar Þór Strand, 19.7.2007 kl. 22:08]

Kallinn minn það er þannig að þáttur CO2 í hlýnun jarðar er stórlega ýktur ef ekki hrein lygi, reyndar er hlýnunin heldur ekki eins mikil og IPCC vill halda fram eða kannski 0,6°C á 30 árum en hvað um það hlýnun er það samt.  Hvoert við eigum svo einhverja sök á henni og þá hvað mikla má rífast um fram og til baka.

http://agbjarn.blog.is/blog/agbjarn hér er svo góð síða á íslensku þar sem er ýmislegt fróðlegt.

[Gestur Guðjónsson, 19.7.2007 kl. 23:30]

Árni, ég sá þennan þátt og fór í eins stuttu máli og ég gat yfir rökin sem fram voru færð í þættinum. Ég veit ekki hvort þau standast, hef ekki forsendur til þess í dag og setti þessa færslu einmitt inn til þess vegna að fá linka á síður sem hjálpuðu mér að vega það og meta til að geta myndað mér skoðun.

Einar: Takk fyrir ábendinguna um þessar umræður sem áttu sér stað á síðu Ágústar. Ég hvet áhugasama til að fara yfir þær. Þarna eru góðir linkar og góðar umræður.

[Predikarinn - Cacoethes scribendi , 20.7.2007 kl. 00:51]

Á þessari síðu verkfræðingsins Ágústs H. Bjarnason, eru nokkrar áhugaverðar færslur um þetta efni.

http://agbjarn.blog.is/blog/agbjarn/

[Jón Steinar Ragnarsson, 20.7.2007 kl. 02:38]

Þessi umræða var nú hérna í gangi í mars að mig minnir og til eru heimildamyndir og álit á báða bóga.  Youtube og Google Video eru mögulegar kildur.  Ekkert nýtt hér, engar fréttir. Minnir meira að segja að sjónvarpið hér hafi sýnt þessa mynd eða aðra skylda, en tvær eru í gangi í and GW umræðunni. 

[Brynjar Hólm Bjarnason, 20.7.2007 kl. 07:38]

http://esv.blog.is/blog/esv/entry/239129/

http://esv.blog.is/blog/esv/entry/239131/

http://esv.blog.is/blog/esv/entry/239134/

Hér eru 3 tenglar inn á síðu Einaras Sveinbjörnssonar veðurfræðings þar sem hann fjallar um myndina sem þú ert svo hrifinn af.

[Gestur Guðjónsson, 20.7.2007 kl. 09:43]

Eftir að hafa lesið þetta allt saman í gegn, virðist mér að umræðan hafi ekki breyst mikið frá því að Brundtland-skýrslan kom út. Sveiflur í hitastigi jarðar eru að megninu til af náttúrulegum ástæðum en mannskepnan bætir einhverju ofan á með sínum útblæstri.

Hversu mikið er ekki vitað.

[Brynjar Hólm Bjarnason, 21.7.2007 kl. 01:40]

Sæl Gestur.

Það er sjálfsagt rétt hjá þér að það er ekki vitað hvað maðurinn hefur haft mikil áhrif á hitastig jarðar. En vegna þess hvað allur viðsnúningur tekur langan tíma á aðgerðum til að bæta fyrir gróðurhúsaáhrif, það er talað um minnst 50 ár, þá tel ég að það sé betra að vera fyrir var en eftir snar.

Ef þú ætlað að bía í þessi 50 ár til að sjá til hvort þetta hafi eitthvað með okkur að gera, á eru það börn okkar og barnabörn  sem fá að svíða fyrir seinagang okkar, því við erum komnir 6 fet undir þegar næsta 50 ár skeið er að byrja.