Af hverju leyfa yfirvöld áfengisauglýsingar?

Um bæinn keyra bílar þrælmerktir tegundum sem ekki er til í áfengislausri útgáfu óáreittir. Nefni sem dæmi eðaldrykkinn Jägermeister, hinar ýmsu rauðvíns- og bjórtegundir sem ég held að séu ekki til í léttútgáfu, eins og bjórinn sem bruggaður er úr íslensku byggi.

Þær sektarupphæðir sem heimilt er að beita í þessum málum eru í dag svo lágar að umboðsaðilar virðast meta fjölmiðlaumfjöllunina um málareksturinn verðmætari en sektirnar, fyrir utan auglýsingagildi sjálfra auglýsinganna, þannig að þeir auglýsa bara og borga sektirnar á staðnum.

Yfirvöld hafa ekki beitt þessum sektarákvæðum um langan tíma og því eru þau í rauninni að leyfa áfengisauglýsingar.

Ég held að eina leiðin til að koma þessu til lífs er að setja inn í lögin um ÁTVR ákvæði um að ef umboðsaðili hefur gerst brotlegur við þetta auglýsingabann, megi ÁTVR ekki selja vörur frá viðkomandi aðila. Sektarvopnið, amk með þeim upphæðum sem í gangi eru í dag, er ekkert að virka.

Athugasemdir

[Kristján Hrannar Pálsson, 1.8.2007 kl. 19:54]

Svo er náttúrulega til einföld og heilbrigð lausn á þessu; að leyfa bara áfengisauglýsingar.

[Eiður Svanberg Guðnason, 1.8.2007 kl. 21:29]

Ríkissjónvarpið auglýsir  bjór purkunarlaust. Orðið léttöl  birtist að vísu á skjánum  með örsmáu letri í eina sekúndu eða  svo. Bannið  gegn  áfengisauglýsingum er  brotið á hverjum  einasta degi.  Yfirvöld  skortir  vilja  til að framfylgja lögum sem Alþingi hefur  sett. Það er umhugsunarefni.  Úr því sem, komið er , þá er ærlegast að   viðurkenna staðreyndir  og afnema bannið. Það mun ekki breyta miklu  frá því sem nú er.

[Kristinn Sigurðsson, 1.8.2007 kl. 23:24]

Hversvegna þurfum við íslendingar að banna þessar auglýsingar en ekki aðrar þjóðir, er ekki komin tími til að leyfa íslenskum framleiðendum að kynna vöru sína. Hvernig í ósköpunum á nýja bjórverksmiðjan í eyjum að koma vöru sinni á framfæri?

[Predikarinn - Cacoethes scribendi , 2.8.2007 kl. 06:36]

Til upplýsingar skal það upplýst að vörumerkin má heildsalinn samkvæmt lögum og reglum hafa á bifreiðum heildsölunnar.

[Gestur Guðjónsson, 2.8.2007 kl. 10:29]

Þetta með vörumerkin og bifreiðarnar getur alveg verið rétt, en er það ekki samt óttalega vitlaust?

Ég tel að annaðhvort eigi að framfylgja lögunum, en afnema bannið ella.