Enn meiri arðsemi... Hvað segir VG við því?

Ávallt þegar komið hafa fram vísbendingar um að kostnaður við virkjunina sé eitthvað að hækka, ryðjast fulltrúar VG og stjórnarandstöðuhluta Samfylkingarinnar fram á völlinn og formæla virkjuninni. Nú hljóta þeir að koma fram og segja að þetta hafi nú ekki verið svo slæmt eftir allt saman.

Það er að segja ef þau eru samkvæm sjálfum sér og séu ekki í þessu í vinsældakapphlaupi, heldur af einskærri umhyggju fyrir landsins gagni og nauðsynjum.

En það er kannski til of mikils mælst...

Kárahnjúkavirkjun arðsamari

Athugasemdir

[Sævar Helgason, 21.1.2008 kl. 17:03]

Er á meðan er með þessa nýtilkomnu arðsemi af Kárahnjúkavirkjun og ber að fagna því, en því miður byggist hún eingöngu á þeirri staðreynd að álverðið er í hæstu hæðum nú sem stendur ..síðan er Friðrik Sófusson forstjóri líka að yfirgefa forstjórastólinn þannig að þetta nýja arðsemismat sem er svona gott í augnablikinu er honum hagstætt við starfslok. Kannski pantað þess vegna ?

Ef litið er yfir álverð síðustu 35 árin þá eru litlar líkur á að menn geti reiknað með þessu ofur álverði mikið áfram. Fjármálakreppan er að banka uppá og áliðnaður sleppur ekkert við þau áhrif frekar en aðrir.

En auðvitað eigum við mikið undir því að allt gangi þetta dæmi upp. 

[Þorsteinn Siglaugsson, 21.1.2008 kl. 17:11]

Það er ekki mælikvarði á arðsemi þótt Landsvirkjun haldi því fram að hún hafi aukist. Þegar forsendurnar eru skoðaðar sést að hér er aðeins um að ræða óvandaða leið til að blekkja lesendur.

[Gestur Guðjónsson, 21.1.2008 kl. 23:16]

Sævar: Það er rétt hjá þér að það er alltaf erfitt að spá, sérstaklega um framtíðina.

Þorsteinn: Það er rétt hjá þér að mat einhvers á sjálfum sér hlýtur ávallt að vera að einhverju leiti að vera sjálfhverft. En það eru einnig hagsmunir þeirra að þeirra mat standist, hið "rétta" mat, amk það mat sem mestu máli skiptir þeas mat lánsmatsfyrirtækjanna. Ef það verður frábrugðið mati LV er það mikill áfellisdómur yfir fyrirtækinu, og því eru það ekki hagsmunir LV að ofmeta sig.

[Steinn Hafliðason, 22.1.2008 kl. 09:38]

Þorsteinn ef þú hefðir lesið fréttina þá hefðirðu séð að óháðir ráðgjafar frá Capacent sögðu matið raunsætt en fundust forsendur matsins vera í nokkrum tilvikum "óþarflega varfærnar".

Sævar ég veit ekki til þess að það sé hægt að panta verð á alþjóðlegum mörkuðum. Ef þú kannt það þá vildi ég gjarnan læra þá list.