Forsætisráðherra lýsir orð utanríkis og viðskiptaráðherra ómerk

Þá er það komið í ljós: Forsætisráðherra segir að ekki standi til að skipta um gjaldmiðil á næstunni og vísaði þónokkur ár fram í tímann. Þetta kom fram á Alþingi í dag í óundirbúnum fyrirspurnum. Hann kom sér hins vegar hjá því að svara því hvort ríkisstjórnin gengi í takt í málinu, en vísaði til þess að Sjálfstæðismenn gengju í takt. Í þeim ummælum hans felst viðurkenning á að ríkisstjórnin sé ekki að ganga í takt.

Eðlilega, enda lýsir utanríkisráðherra krónunni sem viðskiptahindrun og viðskiptaráðherra má ekki sjá hljóðnema eða lyklaborð án þess að segjast vera að skoða upptöku evru. Það er augljóslega ekki í samræmi við þá stefnu sem efnahagsmálaráðherra segir vera stefnu ríkisstjórnarinnar, en samkvæmt stjórnskipun lýðveldisins hefur forsætisráðherra með gjaldmiðilinn að gera, sem og efnahagsstjórnina og á að leiða ríkisstjórnina í þeim efnum.

Forsætisráðherra er þar með að lýsa ummæli þeirra dauð og ómerk sem ummæli ráðherra í ríkisstjórn íslands, ummælin eru sem sagt einvörðungu fabúleringar þingmanna.

Það er því grafalvarlegt mál að þingmennirnir skuli halda þessum persónulegu skoðunum sínum fram undir starfsheitinu ráðherra.

Stendur ekki til að skipta um gjaldmiðil

Athugasemdir

[Eiríkur Harðarson, 5.2.2008 kl. 00:11]

Þetta er nú bara einkenni þingmanna, ekki má gleyma að þeir vilja æði fljótt gleyma hverjir voru svo VITLAUSIR að EXA við bókstaf þeirra flokks.