Kill them with kindness

Einhvern vegin held ég að það hafi lítið upp á sig að sniðganga ólympíuleikana til að bæta mannréttindaástandið í Kína. Kínversk stjórnvöld líta greinilega enn á landið sem einangrað og það sem þeir geri komi engum við.  Hugsanlega er það enn einangrað, þrátt fyrir stóraukin erlend samskipti. Ég veit það ekki. En það að þeir rjúfi útsendingar vegna þess að eitthvað þeim óþægilegt komi fram, er sterk vísbending um að andleg einangrun stjórnarherrana sé umtalsverð. Sniðgöngu þjóða er hægt að matreiða á svo marga vegu. Það sé vanþekking, virðingarleysi og ég veit ekki hvað. Það yrði bara til að herða þá upp sem vilja halda einangruninni auka hana.

Besta meðalið til að bæta mannréttindi í Kína er ekki að einangra landið, heldur að kynna landsmönnum það sem er í raun að gerast úti í hinum stóra heimi og hver viðhorf hins stóra heims sé gagnvart því sem er að gerast í þeirra eigin landi.

Ef menn vilja gera eitthvað táknrænt í tengslum við ólympíuleikanna er t.d. að einn íþróttamaður frá hverri þjóð haldi á litlum fána Tíbeta á setningarathöfninni. Ekki fara þeir að rjúfa útsendingu þaðan.

En annars að koma fram við þá eins og við viljum að þeir komi fram við aðra, af virðingu. Um leið á að nota hvert tækifæri til að spyrja þá út í hvernig ástandið sé í hinum og þessum málum og reyna að fræða kínverskan almenning um almenn viðhorf heimsins til mannréttindamála. Á endanum síast viðhorfin inn, sama hvað æðstu herrar halda og vilja. Þar hafa íslenskir fulltrúar kannski ekki staðið sig nægjanlega vel. Ég hef lítið heyrt af spurningum um mannréttindi þegar fulltrúar landanna hittast.

Vilja að Danir sniðgangi Ólympíuleikana

Athugasemdir

[Hilmar Svavars, 24.3.2008 kl. 18:36]

já að:

"kynna landsmönnum [Kínverjum] það sem er í raun að gerast úti í hinum stóra heimi og hver viðhorf hins stóra heims sé gagnvart því sem er að gerast í þeirra eigin landi."

Er líklega besta meðalið til að bæta mannréttindi í kína. 

En hvernig á að fara að?

Fólk er kúgað og mannréttindi brotin á því í Kína. Allt er ritskoðað, fréttamönnum er umsvifalaust stungið í fangelsi ef þeir skrifa eitthvað sem yfirvöldum finnst að geti dregið upp eitthvað annað en topp-glansmynd af þeim.

Hvernig er hægt að ná til 1.5 milljarða kínverja sem eru mataðir af áróðurs maskínum yfirvalda dag hvern og sýna þeim hvernig heimurinn horfir á aðgerðir stjórnvalda þar í landi?

 "Einhvern vegin held ég að það hafi lítið upp á sig að sniðganga ólympíuleikana til að bæta mannréttindaástandið í Kína."

Ég myndi kalla góða aðferð; ef ekki eina af örfáaum aðferðum sem hægt væri að hugsa sér til að ná til almennings í heild sinni; að sniðganga ólympíuleikana, því það gætu kínversk stjórnvöld einfaldlega ekki falið né ritskoðað og það myndi raunverulega vekja til umhugsunar þá kínverja sem voru ekki alveg sannfærðir  um viðhorf heimsins til alls þess viðbjóðs sem kínversk stjórnvöld hafa staðið fyrir.

Einnig er það prinsip mál og skylda allra sem tengjast ólympíuhreyfingunni að fylgja þeirra eigin reglugerð stofnskráarinnar.

"                      

                                  Fundamental Principles of Olympism     

     1. Olympism is a philosophy of life, exalting and combining in a balanced whole the qualities of body, will and mind. Blending sport with culture and education, Olympism seeks to create a way of life based on the joy of effort, the educational value of good example and respect for universal fundamental ethical principles.
 

          2. The goal of Olympism is to place sport at the service of the harmonious development of man, with a view to promoting a peaceful society concerned with the preservation of human dignity. ...[...]..

 6. Belonging to the Olympic Movement requires compliance with the Olympic Charter and recognition by the IOC."

(skáletrað af mér, ekki í stofnskránni sjálfri)

 http://multimedia.olympic.org/pdf/en_report_122.pdf

[Gestur Guðjónsson, 25.3.2008 kl. 10:18]

Rétt hjá þér Jóhann. Hilmar, eins og ég reyndi að færa rök fyrir, hef ég takmarkaða trú á því að sniðganga hafi tilætluð áhrif á massann. Það hefði, eins og Jóhann bendir réttilega á, verið sterkara að snupra þá þegar það var hægt, við úthlutunina.

[Gestur Guðjónsson, 25.3.2008 kl. 11:52]

Mbl er með ágæta frétt um málið núna

„Það er árangursríkt að halda Ólympíuleikana í Kína. Í fyrsta lagi voru sett fyrirheit um umbætur í mannréttindamálum þegar Kínverjar sóttust eftir því að fá að halda leikana og það á að ganga á eftir þeim. Þá vekja leikarnir mikla athygli á Kína og öllu því sem þar fer fram segir Dan Hindsgaul, fjölmiðlafulltrúi Amnesty International Danmark. „Við höfum þegar séð að árásir á gagnrýnendur stjórnkerfisins í Kína hafa vakið mun meiri athygli nú en áður. Áður var áhuginn tilviljanakenndari. Þetta er jákvæð þróun þar sem hún skapar þrýsting á yfirvöld í Kína.”