Gengisfelling til að knýja fram Evruskráningu?

Getur verið að gjaldfelling krónunnar undanfarið sé ekki einungis bönkunum hagstæð vegna ársfjórðungsuppgjörsins, heldur ekki síður sem þrýstingur á Seðlabanka Íslands að heimila þeim að gera upp í Evrum?

Seðlabankinn og forsætisráðherra hamast hins vegar á móti, því sú heimild er jú enn eitt skrefið í átt til óbeinnar Evruvæðingar íslenska hagkerfisins.

Eins og venjulega borgar almenningur stríðskostnaðinn...

Það væri fróðlegt að sjá samantekt á því hver hann er orðinn.

Bankarnir fá 80 milljarða

Athugasemdir

[Jón Aðalsteinn Jónsson, 25.6.2008 kl. 13:00]

Eg eiginlega viss um að þu hefur rétt fyrir þér í þessu

[Bjarni Kjartansson, 25.6.2008 kl. 13:14]

Gestur, þetta eru siðblindir menn, með alltaðra mótívasjon en að gera landi og þjóð gagn, það hefur ítrekað komið fram í viðtölum við horska bankamann á borð við Ragnar Önundason og hagfræðinga sem ekki eiga allt sitt undir vinnuhjá viðkomandi Psykopötum .

Miðbæjaríhaldið

[Baldur Fjölnisson, 25.6.2008 kl. 17:31]

Á fyrsta ársfjórðungi voru menn í vistunarúrræðum í kringum Arnarhól með stórar samsæriskenningar um að vondir menn í útlöndum væru að ofsækja okkur. En enginn heilvita maður tók mark á því þannig að núna er verið að reyna eitthvað annað.

Ég held að bankarnir hafi fullan rétt á að reyna að tryggja hagmuni sína og sinna hluthafa. Hér er greinilega enginn við stjórn efnahags- og peningamála og það hefur verið augljóst lengi og kerfið stefnir greinilega að því að eyða sjálfu sér eins og ég hef margoft bent á hér á bloggunum. Hvers vegna menn haga sér þannig  þarf að rannsaka, fyrsta skrefið í þeirri rannsókn væri að upplýsa á hvaða lyfjum þetta lið gengur. Góðar stundir.

[Baldur Fjölnisson, 25.6.2008 kl. 17:41]

Annars versnaði erlend staða innlánsstofnana um litla 941 milljarða á fyrsta ársfjórðungi 2008 - skv. upplýsingum seðlabankans Erlend staða þjóðarbúsins en samt mokgræddu þeir að eigin sögn. Þeir hljóta að vera með afar creatífa bókhaldara og endurskoðendur.

[Guðrún María Óskarsdóttir., 25.6.2008 kl. 23:29]

Sæll Gestur.

Almenningur borgar stríðskostnaðinn svo mikið er víst hvort sem um er að ræða aðgerðir ellegar aðgerðaleysi.

kv.gmaria.

[Baldur Fjölnisson, 28.6.2008 kl. 17:03]

Efra línuritið sýnir dollarann en það neðra olíuna. Þetta er ekki alveg sama tímalengd en sýnir samt greinilega fylgni. Sé olíulínuritið framlengt til apríl 2006 þá var olían á þetta 55-70. Takið eftir hvernig hún byrjar að taka undir sig stökk sl. haust þegar ljóst var orðið að bankakerfi heimsins væri í raun gjaldþrota.

Þarna eru gríðarlegir fjárhagslegir hagsmuni í húfi. Til dæmis liggur Sádi-Arabía með eitthvað 1000 milljarða dollara í bandar. ríkispappírum hverra verðmæti hefur að sjálfsögðu hrunið með dollarnum. Auk þess hafa bandar. sölumenn logið inn á þá ónýt húsnæðisbréf í stórum stíl (fjármálafyrirtæki og lífeyrissjóðir um allan heim sitja uppi með það drasl) og einnig hafa þeir tapað gífurlegum fjármunum í Citigroup (hlutabréfin þar hafa fallið um nærri 70% síðasta árið) og öðrum bandar. bönkum sem eru á leið í gjaldþrot. Þannig hefur glæpalýður á Wall Street algjörlega rústað trúverðugleika bandarísks fjármálamarkaðar með dyggri aðstoð ruslaralýðs í Washington. Og það hefur stórbrotin áhrif. Við sjáum það í fjárflótta frá BNA og hrynjandi markaði þar og hrynjandi dollar. Eins og ég sagði að ofan þá þurfa helstu olíuframleiðsluríkin að bæta sér upp töp á ónýtum pappírum með hækkuðu olíuverði og olíumarkaðurinn gerir sér fulla grein fyrir því. Við getum sagt sem svo að heimsbyggðin sé skattlögð vegna ónýtra bandar. skuldapappíra.