Bara ef það hentar mér - öskrandi þögn VG um olíuleit

Ég fagna því að við skulum ætla að rannsaka það hvort olíu sé að finna á íslenska landgrunninu. Veitti umsögn um frumvörpin um leitina á sínum tíma og veit að unnin hefur verið góð vinna við þennan undirbúning, bæði í tíð núverandi og fyrrverandi iðnaðarráðherra.

En það sem stingur í augun er öskrandi þögn VG um málið. Ekkert er að finna um málið í ályktunum síðasta flokksráðs og ekkert í stefnuskrá flokksins. Þar er bara talað gegn stóriðju.

Steingrímur J Sigfússon talar á móti álverum og olíuhreinsistöð á Vestfjörðum og staglast endalaust á því að Ísland hafi ekki losunarkvóta fyrir alla þessa uppbyggingu. Það er rétt og óumdeilt og ekki rök í málinu. Þeir aðilar sem ekki fá kvóta úthlutað frá ríkinu kaupa hann einfaldlega á markaði.

Steingrímur J talar aftur á móti ekkert gegn olíuleitinni, heldur er hann meðflutningsmaður á þingsályktunartillögu á yfirstandandi þingi um byggingu þjónustumiðstöðvar fyrir olíuleitina í heimabyggð sinni.

Er þetta hámark NIMBY-ismans?

Það má engin sóða - nema það henti honum?

Fagnar áhuga olíurisanna

Athugasemdir

[Jónas Yngvi Ásgrímsson, 4.9.2008 kl. 17:02]

Steingrímur gasprar um allt sem hann heldur að bæti við atkvæðamagnið hjá honum og passar sig á að komast ekki í þá stöðu að vera í stjórn, þá gæti hann þurft að sýna fram á að það er ekki innistæða fyrir neinu af því sem hann hefur sagt. Það er eiginlega kominn tími til að einhver segi við hann Þegiðu Steingrímur