Pólitískt nef Össurar er verðmætt

Ég var líklegast ekki einn um að finnast flestir ráðherrar ríkisstjórnarinnar hálf umkomulausir á sviðinu þegar handboltalandsliðið var hyllt á Arnarhóli. Þorgerður Katrín, menntamálaráðherra og þá starfandi forsætisráðherra, átti að sjálfsögðu að vera þarna með forsetanum, en þar með lýkur upptalningunni.

Þegar Össuri Skarphéðinssyni varð ljóst í hvað stefndi í móttökunni á Kjarvalsstöðum sýndi hann að hann hefur ekki misst lyktarskyn fresskattarins þótt hann hafi slegist við alla hina kettina í hverfinu.

Hann hafði nefnilega vit á því að kveðja, láta sig hverfa og komast þannig hjá því að líta út fyrir að vera að reyna að baða sig að ósekju í dýrðarljóma handboltalandsliðsins á sviðinu á Arnarhóli.

Lyktarskyn er verðmætur eiginleiki hjá stjórnmálamanni.

Athugasemdir

[Guðrún María Óskarsdóttir., 5.9.2008 kl. 02:27]

Eigi veit ég það svo gjörla Gestur þvi slíkt kann stundum að skrifast sem algjör tækifærismennska, og þar er viðkomandi sem þú hér nefnir til sögu nokkuð liðtækur að dansa á línunni.

kv.gmaria.

[Gestur Guðjónsson, 5.9.2008 kl. 10:23]

Já, hann er vanur að dansa á línunni og er orðinn reyndur og nýttist það honum vel þarna, enda dansaði hann réttu megin.