Nóg komið af karpi

Nú þarf að koma rannsókn á íslenska bankakerfinu, aðdraganda hrunsins og aðgerðum í hruninu sjálfu í skynsamlegan farveg.

Það þýðir ekkert að karpa svona hægri vinstri í fjölmiðlum. Heildarmyndina verður að skýra þannig að þeir sem hlusta, lesa og sjá geti áttað sig á samhengi hlutanna.

Stjórnvöld eiga að koma þessu sem allra fyrst í farveg, þannig að umræðan geti farið að snúast um það sem skiptir mestu máli, hvernig efnahagslífinu verði komið í gang á ný og hvernig verði tekið á málum þeirra sem lenda í vandræðum.

Icesave upphæðir jukust ekki

Athugasemdir

[Jakobína Ingunn Ólafsdóttir, 9.11.2008 kl. 21:11]

Áður en nokkuð verður gert af viti þarf að koma núverandi valdhöfum frá svo þeir haldi ekki áfram að draga okkur niður í skítinn. Þeir hafa sannað að þeir eru óhæfir.

[Gestur Guðjónsson, 9.11.2008 kl. 22:40]

Við verðum að komast í gegnum bráðaaðgerðirnar áður en farið er í kosningar. Það er nóg að eiga við efnahagslegan og fjármálalegan óstöðugleika, svo stjórnmálalegum óstöðugleika sé ekki bætt við.

[Einar Sigurbergur Arason, 9.11.2008 kl. 23:22]

Ég er sammála því að æskilegt væri að koma núverandi stjórn frá, en vandamálið er að jafnvel þó boðað væri til kosninga í dag þá tæki við kosningabarátta upp á einhverjar x vikur og svo stjórnarmyndunarviðræður í x vikur í viðbót. Á meðan heldur allt áfram að brenna og skaðinn verður langtum meiri.

Núverandi stjórn verður að vinna vinnuna sína, hversu illa sem við treystum henni. Svo væri æskilegt að fá kosningar.

Spurningin er hversu langan tíma á að ætla í þessar bráðaaðgerðir áður en boðað yrði til kosninga. Ég kann ekki að svara því.