Uppbyggingu á Suðurnesin

Hvort það verði gert með því að byggja álver eða aðra atvinnustarfsemi, þarf að treysta stoðir atvinnulífsins á Suðurnesjum. Þar á að leita allra leiða og útiloka ekki neitt sem til framfara getur horft.

Það á líka við um aðra landshluta.

Þess vegna er slæmt að heyra þá Þórðargleði sem skín í gegnum málflutning ráðherra VG varðandi álversuppbygginguna í Helguvík.

En mest þörf er á að almenn starfsskilyrði fyrirtækjanna í landinu séu tryggð, þannig að þau störf sem þegar er búið að skapa, glatist ekki í fjöldagjaldþrotum.

Það er ekki gert með því að rífast um persónukjör eða ámóta. Það er gert með því að taka raunhæfar ákvarðanir um uppbyggingu efnahagslífsins og fjármálakerfisins.

Hitt getur beðið betri tíma.

Álver í Helguvík í óvissu

Athugasemdir

[Sindri Guðjónsson, 20.2.2009 kl. 13:47]

Ég held að stærstur hluti þingmanna fari í að rífast um fundarstjórn forseta, og annað bráðnauðsynlegt. Spurning hvað ríkisstjórnin gerir á meðan.

[Sindri Guðjónsson, 20.2.2009 kl. 13:48]

Þetta átti að vera: "Ég held að mestur TÍMI þingmanni fari í..." það var allaveganna það sem ég var að hugsa.

[Gestur Guðjónsson, 20.2.2009 kl. 13:50]

Því miður held ég að hvoru tveggja sé rétt hjá þér, mestur tími stærsta hluta þingmanna fari í rifrildið.

[Sævar Helgason, 20.2.2009 kl. 14:18]

Því miður hafa ráðandi öfl horft eingögu til áliðnaðar við orkunýtingu og atvinnuuppbyggingu.  Á tæplega 40 ára viðveru minni í þessum iðnaði - þá er reynslan sú að sveiflur í áliðnaði hafa verið verulegar og alvarlegar frá því við hófum samvinnu um þennan rekstur við erlenda aðila- þó hefur tímabilið frá 1992 verið stöðugt og mikið ris síðustu ár- sem í öllu öðru. En bólan er sprungin  og niðursveiflan er ennþá á niðurleið.  Alltof stór þáttur áls er orðinn í okkar landsframleiðslu og skellurinn verður  því tilfinnanlegur . Ekki stærri þjóð en Ísland á að dreifa orkusölunni og atvinnuuppbyggingunni á milku fleiri körfur og minni atvinnufyrirtæki. En erlenda fjárfestingu verðum við að laða til landsins. Nú er bara að vona að ekki komi til framleiðsluskerðingar almennt í áliðnaði hjá okkur - nóg er að taka gengisfallinu á USD sem okkar innkoma er miðuð við.

[Gestur Guðjónsson, 20.2.2009 kl. 14:31]

Sævar. Ég held að þetta sé að hluta til vegna þeirrar vinnureglu sem viðhöfð hefur verið að fyrstir koma fyrstir fá, að orkufyrirtækin ræði bara við einn aðila í einu. Það er að mínu mati afleiðing af því að okkur hefur gengið erfiðlega að ná að selja orkuna.

Nú eru breyttir tímar, sem gefa okkur möguleika á að koma á viðræðuformi þar sem allir aðilar komast að til að bjóða í orkuna. Ég heyrði einhversstaðar að 4-5 aðilar hefðu viljað kaupa orkuna í Neðri þjórsá og svipað með Bakka. Samt er bara talað við einn aðila á hvorum stað í einu.

Þessu verður að breyta.

[Sævar Helgason, 20.2.2009 kl. 14:34]

Sammála þessu , Gestur.