Fáránlegur málflutningur fjölmiðlafulltrúa forsætisráðherra

Ef Kristján Kristjánsson, fjölmiðlafulltrúi forsætisráðherra, er sá sem stýrir málsvörn Íslands gagnvart erlendum aðilum, eða kemur með einhverjum hætti að henni, er ekki nema von að illa gangi og Eva Joly telji sig knúna til að taka upp hanskann fyrir Ísland, aðstoðarmanni forsætisráðherra, Hrannari B Arnarssyni, til mikils ama.

Í kvöldfréttum RÚV, taldi fjölmiðlafulltrúinn hið eðlilegasta mál að ráðherrar ríkisstjórnarinnar töluðu út og suður. Kristján - það er ekki eðlilegt að ríkisstjórnin sé stefnulaus!

Hvaða vitleysa er það að ekki sé hægt að standa að neinni málsvörn fyrr en búið er að ganga frá Icesave?

Sem betur er það ekki fjölmiðlafulltrúi forsætisráðherra sem á að standa að kynningu á okkar málstað gagnvart erlendum aðilum - það er utanríkisþjónustunnar og ætla ég rétt að vona að þar sé betur upplýst fólk að störfum.

Joly tókst það sem öðrum tekst ekki

Athugasemdir

[Sigurður Þórðarson, 4.8.2009 kl. 00:13]

Sæll Gestur, það er ekki sanngjarnt að skjóta sendiboðann.

Honum var sagt að segja þetta.

[Gestur Guðjónsson, 4.8.2009 kl. 00:29]

... og hann sagði það

[Sjóveikur, 4.8.2009 kl. 09:44]

hvernig væri þá að "skjóta" meistarann næst ef boðberinn var "saklaus" ? einhvern vegin verður að fynna vírus þann sem vex og verður skaðlegri eftir sem á líður !!!

Byltingin étur börnin sín ! Lifi Byltingin !!!

www.icelandicfury.com

kveðja, sjoveikur