Rannsókn á hinni endanlegu skjaldborg

Það er furðulegt að nú eigi að rannsaka skuldastöðu heimilanna, sérstaklega í ljósi þess að forsætisráðherra taldi sig geta fullyrt þegar hún kynnti síðasta aðgerðapakka ríkisstjórnarinnar, að nóg væri að gert fyrir fjölskyldur í landinu.

En þessu frumvarpi ber að fagna, því óháð þeirri glámskyggnu yfirlýsingu ríkisstjórnarinnar að nú sé nóg að gert fyrir fjölskyldur landsins, mun þessi rannsókn leiða svo ekki verður um villst þörfina á almennum aðgerðum til að bjarga fjárhag heimila landsins, sem urðu fyrir algerlega ófyrirsjáanlegum forsendubresti allra sinna skuldbindinga í hruninu.

Á sama hátt og fjármagnseigendum landsins var bættur þessi forsendubrestur, er ekkert nema eðlileg og sjálfsögð krafa að slíkt hið sama verði látið ganga yfir skuldara landsins.

Ef ekki verður gripið til almennra aðgerða í þessa veru, er full ástæða til að óttast algert viðskiptasiðrof í landinu, sem yrði enn meiri skaði en nokkur sá skaði sem þjóðin hefur þegar orðið fyrir í þessu hruni..

Rannsókn á skuldastöðu heimila

Athugasemdir

[Sævar Einarsson, 23.3.2010 kl. 23:53]

Þeir byrjuðu á að slá skjaldborg um fjármagnseigendur og útrásarvíkingana, núna er búið að afskrifa flest öll kúlulánin og afskrifa yfir 1000 milljarða hjá þeim og kúlulánsþegar komnir í fínar stöður í þessum nýju bönkum. Núna á að snúa sé að almenningi og svo er sagt "því miður þá er ekkert hægt að afskrifa, það myndi setja bankana á hausinn" þessi ríkisstjórn byrjaði a þveröfugum enda.

[Jón Steinar Ragnarsson, 24.3.2010 kl. 07:22]

Þetta er náttúrlega eingöngu vegna þess að þetta fólk telur að það þurfi engar aðgerðir og ætlar sér á einhvern hátt að staðfesta  það með hlutdrægri skoðun.

Þett er allavega ekki tiltæki sem ætlað er að hjálpa þeim að komast í heldur til að komast hjá, auk þess sem að þau ætla sér enn frekar að draga þetta á langinn og vantar afsökun til þess.

[Gunnar Heiðarsson, 24.3.2010 kl. 20:50]

Meðan aðgerðir stjórnarinnar eru eingöngu til bjargar þeim sem eru komnir á hausinn eða alveg við það, þá verður aldrei nóg að gert. Það er stór hópur fólks sem hefur enn getað staðið við sínar skuldbindingar. Eigið fé þessa fólks hefur hinsvegar verið að rýrna og stefnir í að hverfa. Þegar svo er, bætist alltaf stöðugt við þann hóp sem er í vandræðum eða fer á hausinn.

Með þessum aðferðum verður alltaf dýrara fyrir ríkið að hjálpa fólki.