Dómurinn er góður vitnisburður um störf lögreglunnar

Það er ekki hægt annað en að hella bílförmum af hrósi yfir lögregluna vegna Pólstjörnumálsins. Lögreglan undirbjó málið vel áður en hún lét til skarar skríða, aðgerðirnar gengu upp og gögn málsins greinilega þannig að sakborningarnir sáu að ekkert var hægt að gera annað en að játa.

Vonandi verður þetta til þess að fjárveitingavaldið sýni þessu þjóðþrifastarfi fullan skilning og skapi þeim sem best starfsumhverfi í baráttu þeirra við fíkniefnabölið um leið og farið verði af enn meiri krafti í forvarnir.

Dæmt í Pólstjörnumálinu

Athugasemdir

[Halldór Egill Guðnason, 15.2.2008 kl. 11:00]

Fjárveitingavaldið hefur þegar verðlaunað lögregluna með kröfu um 100.000.000.- Eitt hundrað miljóna króna "sparnað" í rekstrinum. Lögreglan er nú þegar undirmönnuð og fjársvelt og nær öruggt að það mun bitna á árangri hennar. Skilningsleysi stjórnvalda er hreint með ólíkindum.

[Gestur Guðjónsson, 15.2.2008 kl. 13:45]

Furðulegt...

[Axel Jóhann Hallgrímsson, 16.2.2008 kl. 01:52]

Eru þetta árangurstengdar greiðslur með öfugum formerkjum?

Af hverju dettur mér í hug að það sé ekki ætlast til svona árangurs?