Fjárklippurnar á loft !!!

Var um borð í Ægi og Tý í gær og fyrradag.

Þar horfði ég með aðdáun og stolti á víraklippurnar sem beitt var gegn bretum í þeim þorskastríðum sem unnist hafa hingað til.

Þær eru klárar til brúks.

Í þessu þorskastríði er ekkert annað að gera en að hanna nýjar klippur:

Fjármálaklippur.

Þegar fjárkúgun breta verður gerð opinber, eigum við að mótmæla framferði þeirra út um allar trissur og tranta og spyrja þjóðir og fyrirtæki heims einnar spurningar:

Þorið þið að eiga viðskipti við sjóræningja?

Eða ítarlegri útgáfu af sömu spurningu:

Þorið þið að eiga viðskipti og eiga fjármuni í ríki sem hikar ekki við að misbeita hryðjuverkalögum ef það hentar þeim og þora ekki að fara til dómstóla með kröfur sínar, heldur beita sjóræningjaaðferðum til að reyna að ná fram sínum vilja?

bretar eru ein helsta viðskiptamiðstöð heimsins og ef þjóðir heims klippa á þau tengsl sem þeir geta og flytja þau annað vegna hræðslu við yfirvöld í bretlandi erum við komin með fjárklippur sem geta haft svipuð áhrif og víraklippurnar góðu í varðskipunum.

IMF-beiðni frestað

Athugasemdir

[Rúnarsdóttir, 6.11.2008 kl. 12:20]

Fjárklippur.

Maður semur ekki við hrekkjusvín. Það er bara þannig.

[Hlini Melsteð Jóngeirsson, 6.11.2008 kl. 13:38]

Sæll Gestur

Þetta er snilldarhugmynd. Mundi vilja sjá bakbein í okkar ráðamönnum og sjá þá fara í þessar aðgerðir.

Kveðja

[Haraldur Bjarnason, 6.11.2008 kl. 14:39]

Stórgóð hugmynd.

[Guðmundur Ásgeirsson, 6.11.2008 kl. 15:10]

Styð þessa pælingu.

[Einar Sigurbergur Arason, 7.11.2008 kl. 02:34]

Hugmyndin er verð allrar skoðunar!