Spurning hvort um sé að ræða landbúnað

Mér finnst alveg hægt að setja spurningamerki við það hvort kjötframleiðsla sem alfarið er byggð á innfluttu fóðri sé hægt að kalla íslenskan landbúnað. Framleiðslufyrirtækin eru orðin afar stór, í rauninni iðnfyrirtæki. Það má alveg hugsa þá hugsun hvort það sé þjóðhagslega hagkvæmara að klára framleiðsluna og flytja inn færri kíló og þá af kjöti í stað þess að flytja inn fleiri kíló af kjarnfóðri.

Reyndar þarf einnig að huga að matvælaöryggi í þessu sambandi.

Danskir svínakjötsframleiðendur ætla inn á íslenskan markað

Athugasemdir

[Gunnar Ásgeir Gunnarsson, 25.4.2007 kl. 14:11]

Það er nú nokkuð dýrara að flytja í frystigámum heldur en í Búlk. Það þarf 4 kg af korni fyrir 1 kg Svínakjöti. Þetta verður sennilega svipað á Íslandi í framtíðinni og í Færeyjum og á Grænlandi eingöngu frystivara á boðstólnum. það sem mér finnst sem framleiðanda lélegast í þessu er hvað það er verið að gera miklu strangari heilbrigðiskröfur til framleiðslunar hér en Danmörku. Í Danmörku er ekkert spáð í camfilobacter.  Af 12 tegundum hættulegra salmonellu er aðeins gripið til aðgerða gegn þremur hættulegustu enda létust 28 manns í fyrra í Danmörku 300 örkumlaðir fyrir lífastíð. Til hvers eiga íslenskir framleiðendur berjast gegn þessum vágestum og það kostar milljónir en það virðist einskis metið, Ég spyr mig stundum 

[Gestur Guðjónsson, 25.4.2007 kl. 15:08]

Góður punktur Gunnar. Þetta er umræða sem þarf að taka og ræða. Ég hélt reyndar að hlutfall korns og kjöts væri mun hærra. Ég bjó í Danmörku í tæp 6 ár og vann með námi í vélsmiðju sem framleiddi slátur- og kjötvinnsluvélar í svínasláturhús. Fljótlega eftir að ég byrjaði að vinna þar passaði ég mig á því að steikja svínakjötið alltaf vel.

Það er algerlega rétt hjá þér að það má alls ekki gefa neinn afslátt á gæðum og öryggi fæðunnar og fyrst hlutfallið er ekki hærra þá ættu svínabændur og þá einnig kjúklingabændur að standast svona áhlaup.

En ég vill þrátt fyrir það gera greinarmun á landbúnaði sem byggir að megninu til á innlendri fóðurframleiðslu og þeirri sem byggir á innfluttri.

[Gunnar Ásgeir Gunnarsson, 25.4.2007 kl. 15:39]

Ég gat fengið hærra verð fyrir svínakjötið í Danmörku en hér heima 2003 og nóg af kaupendum en kauipendur í Danmörku þurftu að greiða 475% innflutningstoll sem eru miklu hærri en innflutningstollar en hér á landi. Evrópusambandið styrkir verulega danska svínarækt en hér eru engir styrkir. Með frjálsum innflutningi og allir markaðir harðlæstir fyrir Íslenskum landbúnaðrvörum þýðir bara eitt fyrir íslenskan landbúnað. Við erum nú þegar í vandræðum vegna smæðar markaðarins til að ná stærðarhagkvæmni og ef við missum stóran hluta markaðarins þá endar þetta bara með kjöti frá búlgaríu. Fólk gleymir stundum að hagkvæmni kjötvinnslunar í landinu kemur að stærstum hluta vegna svínakjöts. Ef svínkjötið dettur út þá minnkar velta kjötvinnslunar um meira en helming og neytendur verða að greiða ennþá hærra verð fyrir lambakjötið

[Gestur Guðjónsson, 25.4.2007 kl. 15:43]

Ég er efins um að það standist samkeppnislög að heimila frjálsan innflutning á niðurgreiddum landbúnaðarvörum sem væru í samkeppni við óniðurgreiddar vörur.