Sögufalsanir úr Valhöll halda áfram

Illugi Gunnarsson heldur áfram þeim sögufölsunum sem íhaldið hefur ákveðið að viðhafa í atlögu sinni að Íbúðalánasjóði.

Hélt hann því enn og aftur fram að það hefði verið Íbúðalánasjóður sem hefði haft frumkvæðið af því að koma inn á markaðinn með 90% lánin. Það er ekki rétt. Í stjórnarsáttmála síðustu ríkisstjórnar stóð að fara ætti í allt að 90% lán með ákveðnu hámarki og útskýrt að það ætti að gera þegar og ef aðstæður í efnahagslífinu leyfðu það.

Þegar þetta var komið inn í stjórnarsáttmálann, ruku bankarnir inn með 90% lán, 100% og hærra, með miklu hærri hámörkun og án þess að fasteignaviðskipti væru að eiga sér stað. Íbúðalánasjóður fylgdi svo á eftir til að tryggja þeim sem bjuggu utan höfuðborgarsvæðis sama rétt og hinna sem bjuggu í þenslunni fyrir sunnan.

Ég hélt að Illugi væri vandaðri í sínum málflutningi en þetta. En hann er náttúrulega bara að hlýða línunni úr Valhöll.

Athugasemdir

[Gestur Guðjónsson, 6.4.2008 kl. 17:19]

Jú Dharma, sáttmálinn sagði allt að 90% þegar staðan í efnahagslífinu gæfi tilefni til. Frumkvæðið var bankanna í þessu tilfelli. Í aðdraganda kosninganna sögðust bankarnir alls ekki vera á leiðinni inn á íbúðalánamarkaðinn og var ætlunin að hækka þetta hlutfall hægt og rólega upp í 90%. Það stóð alltaf til að standa við þá fullyrðingu, eins og þú veist Dharma, en þessi breyting varð hins vegar allt of brött og á röngum tíma, eins og við erum að súpa seyðið af núna.

[Guðrún María Óskarsdóttir., 7.4.2008 kl. 00:42]

Já þetta er rétt það ég best veit Gestur, sennilega er þetta svokölluð hentipólítík sem Illuga er nokkuð lagið á stundum.

kv.gmaria.

[Gestur Guðjónsson, 7.4.2008 kl. 18:29]

Dharma. þetta eru gild rök hjá þér og nálgun með forsjárhyggjuna, ef menn eru þannig þenkjandi og það ber að virða. En ef þú ert að lýsa nálgun íhaldsins, á sama íhald ekkert með að vera að mála Íbúðalánasjóð og Framsókn með þessum litum. Það á þar með ekki við, enda framboð bankanna og Íbúðalánasjóðs í framhaldinu ekki gerandi eða ástæða, heldur ákvarðanir þeirra sem nýttu tækifærið til endurfjármögnunnar.

Reyndar er það í sjálfu sér allt í lagi ef fólk væri ekki þegar komið aftur í topp í yfirdrætti.

En ég var ekki annað en að bregðast við rangfærslum Illuga sem var að reyna að klína ástæðum þenslunnar á Íbúðalánasjóð og Framsóknj, sem hlýtur samkvæmt nálgun þinni að lýsa þeirri sömu óþolandi forsjárhyggjuhugsun og þú ert að saka mig um. Kannski ættir þú að byrja á heimavelli og fá þina eigin menn til að hætta þeirri forsjárhyggju sem þú lýsir og virðist forsmá.