Aukið fylgi við auðlindasjóð

Þessi hugmynd um auðlindasjóð var komin fram í frumvarpi hjá Framsókn. Sjálfstæðisflokkurinn var á móti hugmyndinni, en Samfylkingin, VG og F buðu fram stuðning sinn, en heyktust svo á því að styðja málið þegar til átti að taka.

Þess vegna er afar gott að sjá aukið fylgi við þessar hugmyndir og vonandi komast þær sem fyrst til framkvæmda, en fróðlegt væri að heyra hvað hafi breyst í millitíðinni, sem hefur fengið núverandi stjórnarherra til að snúast í átt til stefnu Framsóknar í málinu.

Vilja skoða hugmynd um þjóðarsjóð

Athugasemdir

[Sævar Finnbogason, 25.4.2008 kl. 15:17]

Ég man nú ekki hvernig þetta var útfært hjá framsókn, en við fyrstu sýn virðist manni að þessar nýju hugmyndir gangi útá að tryggja fjármálalífinu varasjóð á kostnað annarra. Það er að mörgu að hyggja í þessu. Ég hallast að því að sjálfstæðismenn séu þeir einu sem hafa hugsa þetta mál að alvöru, fyrst þeir eru á móti þessu.

Fyrir utan hvað það er ósanngjarnt að sumir virðast ekki nógu mikilvægir til að fá bjargræði þegar illa árar en þó nógu mikilvægir til að peningar þeirra séu notaðir til að halda öðrum á floti.

[Gestur Guðjónsson, 25.4.2008 kl. 20:47]

Auðlindasjóður Framsóknar var ekki hugsaður sem varasjóður fyrir útrásarbanka, heldur til að styðja nýsköpun og öðrum þjóðþrifaverkum.

[Hjörtur J. Guðmundsson, 25.4.2008 kl. 23:49]

M.ö.o. var þetta alls ekki sama hugmyndin. Svo virðist sem tilhneigingar gæti a.m.k. hjá sumum framsóknarmönnum til að eigna sér á einhvern hátt allar hugmyndir sem koma fram og þeim þykja góðar. Og þetta er ekkert nýtt, svona var þetta t.a.m. með nýsköpunarstjórnina. Auðvitað átti Framsóknarflokkurinn allan heiðurinn af þeim aðgerðum sem sú stjórn fór út í þó flokkurinn hafi ekki einu sinni verið aðili að henni hvað þá meira. Það er svo sem gömul íþrótt að reyna að endurskrifa söguna. Iðulega hafa mestu áhugamennirnir um hana verið aðilar sem hafa verið í einhverri tilvistarkreppu.

[Gestur Guðjónsson, 26.4.2008 kl. 14:08]

Þú fylgir nú þeim flokki sem er hvað verstur í akkurat því sem þú talar um.

Þetta virðist þegar betur er að gáð ekki vera sama hugmyndin að öllu leiti, það er rétt.

[Sigurgeir Jónsson, 26.4.2008 kl. 14:36]

Hugmyndin að auðlyndasjóði er ekki nýtt fyrirbrigði.Til var fyrirbrygði sem hét Kreppulánasjóður á kreppuárunum hinum fyrri. 1988-1988 voru stofnaðir sjóðir til að bjarga sjávarútveginum.Allir þessir sjóðir voru settir á stofn til að bjarga atvinnulífinu.Þessir sjóðir buðu upp á pólitíska spillingu.Ég hélt satt að segja að Framsóknarmenn væru horfnir frá öllu slíku rugli.Þessi tillaga Björgvins er hreint grín.Nú á að taka fé frá sjávarútveginum og almenningi til að bjarga bönkum sem starfa 80 prósent erlendis.Væntanlega til þess að eigendur bankanna geti lifað áhyggjulausir.Mér kæmi ekki á óvart þó þó það fólk í Famsókn sem berst fyrir þjóðnýtingu sjávarútvegsins með Formanninn í fararbroddi taki undir þetta rugl.

[Sigurgeir Jónsson, 26.4.2008 kl. 14:49]

Þessu til viðbótar þá vita það allir að það eina sem stöðvar eigendur bankanna að fara með þá úr landi er hagstætt skattaumhverfi hér. Það besta sem bankarnir gætu gert fyrir ísland er færa erlenda hluta starfsemi sinnar úr landi .Kanski þarf að hækka skatta á atvinnurekstri upp í 25 prósent til að þeir geri það.