Hvað breyttist, Ólafur F Magnússon?

Hinn 31. mars í fyrra hélt Ólafur F Magnússon, þá borgarstjóri, því fram að Framsókn drægi taum verktaka og bæri sök á því hvernig fyrir miðborginni væri komið.

Í framhaldinu tók Óskar Bergsson borgarfulltrúi málið upp í borgarstjórn og lýsti Ólafur F Magnússon því yfir aðspurður að hann ætti ekki við Óskar Bergsson í því sambandi. Í framhaldinu hittust Guðni Ágústsson, þá formaður Framsóknar, Óskar og Ólafur og eftir þann fund mærðu þeir allir drengskap og gæði hvers annars.

Eftir sátum við hinir 11.998 Framsóknarmennirnir undir ásökunum Ólafs F.

Í bréfi sem ég skrifaði honum fór ég fram á að hann svaraði mér hvort hann ætti við mig.

Ekkert svar hefur borist frá Ólafi F.

Nú ber svo við að þessi sami Ólafur F Magnússon, er kominn í krossferð gegn þeim sama Óskari Bergssyni, sem hann mærði svo mjög fyrir tæpu ári síðan, vegna mála sem voru til afgreiðslu löngu fyrir þann tíma.

Hvað hefur breyst Ólafur F, eða var ekkert að marka orð þín í apríl í fyrra?

Ef ekki, hvaða orð er þá að marka hjá þér?

Til að ég geti áttað mig betur, endilega gefðu mér merki, þegar taka á mark á þér.

Krefur Óskar um svör varðandi Höfðatorg

Athugasemdir

[Jón Snæbjörnsson, 5.3.2009 kl. 15:37]

er ekki bara í góðu lagi að Ólafur djöflist aðeins - nú ef kemur í ljós að eðlileg vinnubrögð hafi verið stunduð þá er það bar gott mál - við viljum jú fá spillinguna í burt sé hún til staðar ekki satt

[Gestur Guðjónsson, 5.3.2009 kl. 15:43]

En heldur þú Jón, að fjölmiðlar veiti þeim svörum sömu athygli og ávirðingum Ólafs?

Ég er hræddur um ekki og til þess er leikurinn gerður hjá Ólafi F, sem er svo langt niðri í sínu pólitíska starfi að lyktina leggur langa leið.

[Jón Snæbjörnsson, 5.3.2009 kl. 16:14]

úúúff ja Gestur - verður kallinn ekki að fá að rótast - auðvitað eru svona hlutir hundleiðinlegir, held að ef ÓF leggur af stað í einhvern þá er hann eins og óhreinindi sem eru föst í tönnunum þe erfitt að losna við

[Valsól (IP-tala skráð) 5.3.2009 kl. 16:54]

Vilja ekki allir að allt verði upp á borðum, eða er það misskilingur hjá mér að Framsókn séu í þeim hópi?

[Gestur Guðjónsson, 5.3.2009 kl. 16:55]

Fínt að hafa allt uppi á borðum, en þá er líka eðlilegt að það gildi um alla.

[Salvör Kristjana Gissurardóttir, 5.3.2009 kl. 18:05]

Skrýtið að Vilhjálmur leyfi Ólafi F. að komast upp með  svona skrýtna hegðun í ræðustól. Það er allt í lagi að vera umburðarlyndur og þola alls konar fólk en þetta er því miður gengið langt út fyrir öll mörk hjá Ólafi F.  Hann skynjar það ekki sjálfur en því miður virðist Vilhjálmur fyrrum borgarstjóri ekki heldur skynja hvert hlutverk þess er sem stýrir fundum til að taka á vanda eins og þessum. Eða kannski passar það Sjálfstæðismönnum ágætlega að Ólafur F. í þessum gír núna?