Furðuleg vanþekking forsætis- og fjármálaráðherra á stjórnskipun landsins

Það lýsir algerri vanþekkingu á þeirri stjórnskipun sem við búum við að lýsa því yfir að Íslendingar geti staðfest og samþykkt viðbrögð hollendinga og breta án aðkomu Alþingis.

Eins og leiðari Fréttablaðsins lýsir svo réttilega í morgun, er ríkisstjórnin ekkert annað en framkvæmdanefnd sem á að framkvæma vilja hins þjóðkjörna Alþingis.

Alþingi veitti samþykki sitt, með lögum, fyrir ríkisábyrgð á Icesave-skuldbindingunum í ákveðinn tíma og það er eingöngu Alþingi sem gæti framlengt hana.

- Ekki ríkisstjórnin.

Í þingræði felst að ríkisstjórnin er bundin af vilja Alþingis og það verða Jóhanna Sigurðardóttir og Steingrímur J Sigfússon að átta sig á.

Icesave rætt í þingnefndum

Athugasemdir

[G. Valdimar Valdemarsson, 18.9.2009 kl. 11:11]

Það var sennilega ekki að ástæðulausu að Ólafur Ragnar krotaði skilaboð á spássíuna þegar hann samþykkti lögin um ríkisábyrgð á IceSave.

Skilaboðin voru að það ætti að fara eftir þessum lögum, hélt reyndar að það ætti við öll lög en Steingrímur og Jóhanna virðast telja sig hafin yfir lögin.

[Hannes Friðriksson , 18.9.2009 kl. 11:52]

ég skil ekki alveg, sat ekki sjáfstæðiflokkurinn hjá, og framsókn var á móti þegar greidd voru atkvæði í þinginu um fyrirvarana, og eru það þeir fyrivarar sem þeir nú verja sem óðir væru?

[G. Valdimar Valdemarsson, 18.9.2009 kl. 15:17]

Fyrirvararnir voru settir af gefnu tilefni vegna vantrausts á ríkisstjórninni.  Nú þegar þeir eru það hálmstrá sem menn hafa og þá er að sjálfsögðu hangið á því.

Framsóknarmenn voru á móti fyrirvörunum vegna þess að þeir eru loðnir og teygjanlegir eins og komð er á daginn.

[Jón Valur Jensson, 18.9.2009 kl. 15:46]

Gott svar, Valdimar, og góður pistill, Gestur!