Eina vitræna nálgun ESB spurningarinnar

...er að gera sér fyrirfram grein fyrir hvaða markmiðum þurfi að ná, sækja um og sjá hvernig tekið verður í þær kröfur og hvað greiða þurfi fyrir aðganginn að öðru leiti og sjá hvað fæst í staðinn.

Að því loknu er fyrst hægt að taka upplýsta, vitræna afstöðu til þess hvort Ísland eigi að vera fyrir utan eða innan ESB.

Styður aðildarumsókn Íslands

Athugasemdir

[Jón Valur Jensson, 9.2.2009 kl. 23:14]

Gættu þess, Gestur, að EBé er ekki bara opið í þann endann, sem snýr að okkur, heldur líka í hinn endann : opið fyrir því að bæta við ýmsum þjóðum (t.d. Tyrkjum) án þess að við ráðum neinu um það, og það sem verra er: opið fyrir því að breyta sér sjálft innan frá, jafnvel í grundvallaratriðum eins og t.d. orkupólitík. Það er ögrun fyrir Parkinsonssjúkt risabandalag með metnað til að verða stórveldi (Jacques Delors: "Wir müßen ein Großmacht werden!"), að þar skuli ekki vera sérstök, samhæfð orkuauðlindastefna. Bæði efnahagskreppa og orkukreppa geta orðið tilefni til drastískra breytinga á því sviði. Svo er engu treystandi um varanleika EBé-styrkja og staðaruppbóta. Það á eftir að fara illa fyrir smáríkjunum, sem láta innlimast, sannaðu til. En Ísland yrði fólksfæsta þjóðin (Möltubúar eru fæstir nú: 406.000), og sérstaða okkar, einkum í sjávarútvegsmálum, sem EBé áskilur sér yfirráða yfir milli 12 og 200 mílna, er þvílík, að engin önnur þjóð yrði fyrir jafnmiklum skakkafallaáhrifum af "aðild" eins og við.

Horfum á hið sanna andlit ofríkisbandalagsins: afstöðu EBé í Icesave-málinu, sem var eins og blautur hanzki framan í þjóð okkar, og heimskulegt bann EBé við hvala- og selveiðum.

[Páll Geir Bjarnason, 10.2.2009 kl. 02:17]

Jón sauður: Auðvitað stóðu ESB-ríkin saman gegn Íslandi í IceSave-deilunni. Til hvers heldurðu að þjóðir séu í bandalögum maður?!? Hvaða afstöðu heldur þú eiginlega að ríki sem eru í sterku bandalagi saman taki gegn utanaðkomandi hættu? Það hefði heldur betur verið annað uppi á teningnum ef við hefðu haft dug til að drulla okkur inn fyrir löngu. Og hvern andskotann hefurðu á móti Tyrkjum? Ekki segja mér að það sé vegna þess að þeir eru upp til hópa Múslímar!

[Gestur Guðjónsson, 10.2.2009 kl. 09:10]

Jón Valur, þú vilt sem sagt ekki fá svar og taka afstöðu til hugsanlegrar inngöngu í ESB á grunni bestu hugsanlegu upplýsinga. Ég hef talið að  hugtakið fordómar nái einmitt mjög vel yfir svona afstöðu.

Páll: Ekki uppnefna menn, það lýsir best innri manni. Tek undir með Jóni Frímanni. Yfirlýsingar íslenskra ráðamanna voru með þeim hætti að þeir höfðu fulla ástæðu til að hræðast að Íslendingar ætluðu ekki að uppfylla EES samninginn.

[Sigurgeir Jónsson, 10.2.2009 kl. 12:32]

Evrópusambandið mun ekki lifa nema því verði breitt í eitt þjóðríki.Þetta vita æðstu stjórnendur ESB vel.Því er unnið að því skipulegaað binda sambandið saman.Að sjálfsögðu blasir það við stjórnendum sambandsins að ef ríki, einkum í norður og vestur Evrópu verða utan sambandsins þá verður þróunin erfiðari við að þróa sambandið í eitt ríki.Þegar það hefur tekist eða ef það tekst er ekki víst að það verði auðvelt að sleppa burt, þegar allar auðlindir Evrópu verða orðnar eign hins sameinaða ríkis.XB ekki ESB.

[Jón Valur Jensson, 11.2.2009 kl. 00:04]

Tek undir með Sigurgeiri hér.

En það er ekki nógu gott hjá þér, Gestur, að taka undir með Jóni Frímanni. Hann segir réttinn hafa verið "þeirra megin", þ.e. Evrópubandalagsmanna, í Icesave-málinu. Ingibjörg Sólrún kvað okkur ekki hafa efni á að greiða 200 milljónir króna í lögfræðilega málhöfðun, jafnvel þótt um 3.000 sinnum stærri upphæð hafi verið í húfi ! – Fróðari menn en Jón Fr. hafa lýst því áliti sínu, að ábyrgðin sé alls ekki alfarið okkar á Icesave-reikningunum. Léleg réttargæzla fyrir þjóð okkar birtist í stefnu ISG og Geirs Haarde og 29-menninganna á Alþingi í desember.

Gestur, ég hef þann FOR-DÓM, að við eigum að standa trúir með þvi sjálfstæði okkar og fullveldi í málum, sem Jón Sigurðsson og sporgöngumenn hans áunnu þjóðinni. Ég læt ekkert hrekja mig af þeim grunni. Og það er vanþekking að ímynda sér, að fullveldi verði ekki af okkur tekið með EBé-innlimun.

PS. Það er engin innlimun Íslands í kaþólsku kirkjuna á dagskrá. Hitt er á dagskrá að reyna að troða Íslandi í Evrópubandalag 1700 sinnum stærri þjóða.

[Jón Valur Jensson, 11.2.2009 kl. 01:24]

Vegna lokaorða Sigurgeirs tek ég fram, að ég er ekki Framsóknarmaður!