Samskipti siðaðra þjóða á eðlilegum nótum

Mikið er gott að sjá að Hollendingar séu að gæta sinna hagsmuna af sanngirni og eftir eðlilegum leiðum. Slíkt leiðir örugglega til farsællar niðurstöðu fyrir báða aðila.

...

Ég eyddi út því sem ég skrifaði svo í framhaldinu.

Mjög vongóður um lausnir

Vá fyrir dyrum

Ég er virkilega hræddur, eftir að Ögmundur Jónasson varaði á heimasíðu sinni kröftuglega gegn því að IMF verði beðinn um hjálp, að íhaldið og VG myndi stjórn um að leita ekki til IMF og þjóðin verði einangruð.

Íhaldið, þeas heimastjórnarhluti Sjálfstæðsflokksins, sem hefur haldið frjálslynda hluta flokksins í gíslingu síðan Davíð Oddsson velti Þorsteini Pálssyni úr sessi, vill undir engum kringumstæðum þurfa að undirgangst skilyrði IMF, vill í blindni halda í krónuna og vill undir engum kringumstæðum hugsa til ESB. Lok lok og læs.

Af þeim ástæðum hefur IMF ekki verið tekið vel hingað til, þótt tilboðum IMF hafi ekki fylgt nein skilyrði á þeim tíma, að því að maður heyrir.

Af þeim ástæðum má Samfylkingin undir engum kringumstæðum slíta stjórnarsamstarfinu.

Það væru svik við þjóðina.

Ef íhaldið slítur verða frjálslyndir Sjálfstæðismenn að gera byltingu og mynda stjórn með Samfylkingunni og frjálslynda hluta Framsóknar.

Ef við lokum að okkur, munum við ekki endurheimta traust okkar um langan tíma og öll enduruppbygging landsins mun taka mun lengri tíma.

Mesta hættan liðin hjá

Meginmarkmið samninga við IMF

Í öllum samningum við IMF, aðra lánardrottna og öðrum aðgerðum næstu misserin verður eitt markmið að vera ofar öðrum:

Að tryggja að á Íslandi verði áfram gott fyrir ungt fólk að búa.

Það eru sameiginlegir hagsmunir lánveitenda og lánþega að halda sem mestri framleiðslu í gangi og hafa sem mesta vaxtarmöguleika og til þess þurfum við öflugt fólk.

Ef við missum mikið af fólki úr landi verðum við mikið lengur að ná okkur upp úr þeirri lægð sem við erum komin í.

Staðan í útlöndum er auðvitað ekki heldur neitt glæsileg, þannig að grasið er ekki hvanngrænt þar, en verðmæti okkar duglega unga fólks hefur líklega aldrei verið meira. Þannig er staðan einnig í útlöndum, sem munu örugglega reyna að ginna öflugt fólk til sín.

Auðvitað eigum við að standa við okkar skyldur gagnvart bretum og Hollendingum, sem og öðrum. Það segir sig sjálft, en einnig eigum við að gæta réttar okkar gagnvart bresku ríkisstjórninni, sem hefur ástundað þvílíka skemmdarstarfsemi gagnvart íslenskum hagsmunum að maður á ekki til orð.

Gott heilbrigðiskerfi, gott skólakerfi og skynsamleg velferð eru lykilatriði í því að halda unga fólkinu í landinu.

Lausn á deilum forsenda IMF-aðstoðar

Kattarþvottur Samfylkingarinnar á erfiðum tímum

Í pistli á heimasíðu Samfylkingarinnar gerir Skúli Helgason, framkvæmdastjóri Samfylkingarinnar ámátlega tilraun til að þvo Samfylkingunnar af þeim afdrifaríku mistökum sem óskýrar yfirlýsingar stjórnmálamanna og embættismanna um fyrirætlanir íslenskra stjórnvalda um að standa við skyldur sínar gagnvart breskum innistæðueigendum og breska ríkisins.

Þessar óskýru yfirlýsingar notaði darling fjármálaráðherra og gordon brown í nauðvörn til að reyna að bjarga eigin skinni í aumingjaskap sínum.

Skúli skrifar:

"Þá er ljóst að yfirlýsingar Davíðs Oddssonar Seðlabankastjóra í Kastljósþætti á þriðjudagskvöld virkuðu sem olía á eldinn en þar gaf hann til kynna að erlendir lánadrottnar Landsbanka og Kaupþings myndu tapa lunganum af sínum kröfum.  Sjaldan hafa orð valdið jafnmiklum skaða í íslensku samfélagi en hann hleypur á þúsundum milljarða króna"

Reynir hann að koma allri sök á Davíð Oddsson, seðlabankastjóra.

Þarna er Samfylkingunni rétt lýst. Fer með sannleikann eins og henni sýnist og hleypur frá allri ábyrgð eftir því sem vinsældirnar liggja.

Skúli virðist alveg gleyma að halda því til haga að Össur Skarphéðinsson, starfandi leiðtogi Samfylkingarinnar og ráðherra í ríkisstjórn Íslands, reið á vaðið með yfirlýsingum í þessa veru, þegar hann segir að slá eigi varnarhring um Ísland og íslenska sparifjáreigendur.

"Þetta er það sem við verjum"

Ágúst Ólafur Ágústsson varaformaður og þar með starfandi formaður Samfylkingarinnar lýsir því svo yfir í dag að hann vilji reka seðlabankastjóra, en samt er því ekki fylgt eftir.

Ef taka á mark á stjórnmálaleiðtoga sem er í ríkisstjórn, þýðir ekki að gagga úti í horni, orðum verða að fylgja aðgerðir. Það er aftur á móti ekki gert.

Annað er lýðskrum af verstu sort, eins og þessi grein Skúla Helgasonar framkvæmdastjóra Samfylkingarinnar er.

Brown sendi Geir Haarde bréf

Íhaldið kemur sínum manni fyrir í stjórn Nýja Landsbankans

Það eru mér mikil vonbrigði að sjá að Árni Mathiesen hafi sett Böðvar Jónsson, aðstoðarmann sinn og bæjarfulltrúa Sjálfstæðisflokksins í Reykjanesbæ inn í stjórn nýja Landsbankans.

Árni Mathiesen virðist ekkert vera að læra.

Nýjar stjórnir bankanna þurfa að taka ákvarðanir um hagsmuni margra og verður hlutleysi og vilji til faglegra ákvarðana að vera algerlega yfir allan vafa hafinn þegar ríkið hefur nú tekið yfir stjórn bankanna þriggja.

,,Mikill léttir að hafa fast land undir fótum"

Vel að verki staðið

Þrátt fyrir öll þau mistök sem gerð hafa verið í þessu bankahavaríi öllu, tek ég hatt minn ofan af því hvernig Geir og Björgvin hafa staðið að upplýsingagjöf til almennings og fjölmiðla.

Þetta er til fyrirmyndar, þótt bregðast hefði átt við ummælum Darlings strax sama klukkutíman og þau féllu. Hugsanlega hefði það getað bjargað Kaupþingi.

Embættismenn eins og Davíð Oddsson eiga aftur á móti að halda sig fjarri ljósi fjölmiðlanna, sérstaklega þegar þeir enda með því að tala banka í gjaldþrot og valda milliríkjadeilum, sem stjórnmálamenn geta svo ekki leiðrétt, enda eiga menn í útlöndum von á því að það sé eitthvað að marka það sem seðlabankastjórar segja, sérstaklega ef ráðherra í ríkisstjórninni hefur talað í svipaða veru, eins og Össur Skarphéðinsson gerði. 

Davíð hefði betur nýtt sér sjálfgefinn eftirlaunarétt sinn. Það er að koma illilega í ljós núna að það þarf líklegast að hafa svona feita gulrót til að stjórnmálamenn séu ekki að planta sér sjálfir eða láta planta sér í feitum stöðum þegar þeir eru að brenna út í stjórnmálunum. Það borgar sig líklegast.

Geir með blaðamannafund síðdegis

bretar komnir í nýtt þorskastríð

gordon brown, forsætisráðherra bretlands, hefur farið fram á það við íslensk stjórnvöld að þau gangist í ábyrgðir fyrir allar innistæður breskra aðila hjá íslenskum bönkum í bretlandi.  Fer hann fram á 20 milljarða punda í því sambandi.

Hótar hann því að allar eignir íslenskra fyrirtækja verði frystar til að ná fram kröfum sínum.

Það stenst náttúrulega ekki nokkra alþjóðasamninga og lýsir þvílíkri heimsku brown á ögurstundu.

bretland er sem sagt komið í nýtt þorskastríð við Íslendinga, þar sem þorskurinn er gordon brown.

Okkar næsta skref er að skapa ofsahræðslu meðal erlendra fyrirtækja í bretlandi, þannig að þau flýi umvörpum með fjármuni sína. Þau geta náttúrulega ekki treyst bretum fyrir horn með nokkurn hlut eftir þetta. Réttast væri að byrja á því að lista upp þau fyrirtæki í bretlandi sem hafa einhverja tengingu við Ísland, svo væri hægt að fara í tengingar við lönd sem eiga einnig innlánsreikningafyrirtæki í bretlandi. Það myndi þýða algert hrun bresks efnahags.

Öll heimspressan er hér, svo það er auðvelt að koma skilaboðunum á framfæri.

Sendinefnd Breta væntanleg

Er gordon brown að stúta bretlandi?

Ekki nóg með að brown hafi neitað Íslendingum um aðstoð, heldur er hann í heimsku sinni, þvert á alla samninga, að fara fram á hluti við íslenska ríkið sem munu valda stórkostlegum skaða fyrir breta til lengri tíma litið, líklegast vegna eigin óvinsælda heimafyrir.

Ef hann ætlar sér að frysta innistæður og eigur allra Íslendinga í bretlandi er hann ekki bara að gerast ber um að ætla að reyna að nýlenduvæða Ísland, heldur er hann að sýna umheiminum að bretlandi er sama um alþjóðasamninga. Þeir hirði bara það sem þeim sýnist þegar þeim sýnist.

Hver vill eiga viðskipti við slíka þjóð?

Mestu mistökin

Vill Björgólfur láta sjá sig aftur á Íslandi?

Icesave Landsbankans hefur kostað Íslendinga fjármálalega æru sína næstu áratugina. Ráðamenn þjóðarinnar gulltryggðu það með fáránlegum yfirlýsingum sínum í framhaldinu, sem líklegast kostuðu okkur Kaupþing.

Við verðum lengi að byggja upp traustið og borga af þeim lánum sem ríkið þarf að taka vegna þessa alls.

Rétt áður en Icesave féll, voru erlendar eignir Landsbankans seldar Straumi, sem er að stórum hluta í eigu Björgólfanna. Það lítur út eins og þeir hafi reynt að flýja með verðmætin út úr Landsbankanum sem riðaði til falls, vegna Icesave. Það fall var fyrirséð þeim sem til þekktu og þar með þeim sjálfum, en falli Icesave var spáð í mín eyru fyrir nokkrum mánuðum síðan, en ég mótmælti þá þar sem ég hafði heyrt að þeir ætluðu að leggja öll innlánin fyrir til að styrkja grundvöll bankans, sem komið hefur á daginn að ekki var staðið við.

Samson er látið falla, til að láta líta út fyrir að þeir feðgar séu að tapa miklum hluta auðæfa sinna, en Björgúlfur Thor hefur nú lýst því yfir að eignir Novators séu ekki í neinu söluferli. Staðan sé trygg. 

Björgólfarnir ætla sem sagt að reyna að komast upp með að setja Landsbankann á hausinn án þess að verða fyrir tilfinnanlegu tjóni sjálfir.

Það er eitthvað sem íslensk þjóðarsál á erfitt með að samþykkja.

Ég hef heyrt að Actavis sé uþb 1.000 milljarða virði, sem er af svipaðri stærðargráðu og tap þjóðarinnar á því að Kaupþing féll með hjálp Davíðs, Össurar og Árna Matt.

Eina leið þeirra feðga til að fá lendingarleyfi fyrir einkaþotunni og geta gengið óáreittir meðal Íslendinga í framtíðinni er að þeir greiði fyrir það tjón sem þeir hafa valdið þjóðinni, fyrst þeir eru borgunarmenn fyrir því.

Bretar settu 1% í Icesave

Ég ákalla Samfylkinguna

Þrátt fyrir eðlilega kröfu starfandi formanns ykkar og varaformanns um að skipt verði um í yfirstjórn Seðlabankans, megið þið undir engum kringumstæðum slíta stjórnarsamstarfinu.

Þið sömduð því miður af ykkur þingrofsréttinn í stjórnarmyndunarviðræðunum, sem skrifa má á reynsluleysi og ákafa, þannig að Sjálfstæðisflokkurinn getur, í stað þess að boða til kosninga, auðveldlega samið við VG um myndun einangrunarstjórnar, þar sem landið lokaði sig af, öll eðlileg viðskipti við útlönd yrðu í skötulíki og þjóðfélagið færi á norður kóreskt stig.

Ræða Steingríms J Sigfússonar á eldhúsdegi var á þeim nótum að það er greinilega búið að tala við hann um stjórnarmyndun.

Það má aldrei verða.

Því verðið þið að þreyja þorrann og reyna að hafa eins jákvæð áhrif á Sjálfstæðisflokkinn og þið mögulega getið, jafnvel þótt Geir Haarderi brottvikningu Davíðs úr Seðlabankanum.

Gangi ykkur vel og Guð varðveiti Ísland.

Mjög óvinveitt aðgerð