Staðgreiðslukerfið afnumið

Það er skelfilegt að kynna sér skattabreytingar ríkisstjórnarinnar. Þær eru afturhvarf til gamla kerfisins, áður en staðgreiðsla skatta var tekin upp.

Hún mun koma illa við þá sem ná tímabundið í tekjur, eða eru með óreglubundnar tekjur, eins og margir iðnaðarmenn eru með í dag, sem og sjómenn sem eru með afar mismuandi tekjur eftir árferði.

Nóg hefur Jóhanna Sigurðardóttir fjallað um vanda þeirra bótaþega sem endurgreiða hafa þurft bætur vegna óvæntra tekna eða mistaka í upplýsingagjöf, en nú er það allt gleymt.

Þegar aðrar leiðir eru færar, á ekki að fara í þennan óskapnað.

Aukin skuldabyrði í skuldakreppu

Athugasemdir

[Jón Aðalsteinn Jónsson, 19.11.2009 kl. 21:51]

Þetta kemur í veg fyrir þann gamla sið sem að oft reyndist manni vel það er að vinna sig út úr vandanum

[Þráinn Jökull Elísson, 19.11.2009 kl. 22:54]

Manstu Gestur að þegar síðustu skattabreytingar áttu sér stað, í tíð Framsóknaríhaldsins, þá hækkuðu skattar á þá lægstlaunuðu en hygldu að sama skapi þeim hæstlaunuðu?

Manstu það?

[Guðrún María Óskarsdóttir., 19.11.2009 kl. 23:35]

Sammála Gestur.

kv.Guðrún María.

[Þórbergur Torfason, 20.11.2009 kl. 00:12]

Gestur veistu hvað felst í orðinu "staðgreiðsla"?

Ef þú leggur aðeins aftur augun og hugsar um það, sérðu í hendi þér að það á að greiða jafnóðum af laununum en ekki síðar meir eða ári seinna. Launagreiðandanum ber að sjá svo um að staðgreiddur sé skattur.

Við skulum ekki hafa áhyggjur af þessu. Ef vinnuveitandi skilar ekki staðgreiðslunni ber honum að sjálfsögðu að skila henni þó síðar verði.

[Sævar Helgason, 22.11.2009 kl. 22:52]

Mér finnst vel hafa tekist til með að jafna skattbyrðinni milli tekjuhópa.  Þetta er svona í anda Jafnaðarmanna.  Fyrri ríkisstjórnir höfðu farið alveg öfugt að. Þeir tekjulægstu voru skattpíndir en þeir tekjuhæstu sluppu með mjög litla skatta.

Það er er núna að gera fólkinu erfitt er gríðarleg hækkun á nauðsynjum- vegna verðlítillar krónu... Nú er að stórauka útflutning og minnka allan innflutning..og vinna okkur út úr vesöldinni..

[Gestur Guðjónsson, 27.11.2009 kl. 12:07]

Þórbergur, vinnuveitandinn getur ekki alltaf vitað í hvaða skattþrepi launamaðurinn lendir, sérstaklega ef hann er í fleiri en einni vinnu.

Betra hefði verið að hækka persónuafsláttinn og hækka prósentuna, en hafa hana  áfram eina. Það er mikið betra kerfi.