HA? Hvað hefur hann verið hingað til??????

Nú er ég hissa. Samfylkingin hefur hingað til haldið því fram að hún sé jafnaðarmannaflokkur Íslands. Mig minnir að það hafi verið gert alveg frá upphafi. Hvað hefur flokkurinn þá verið hingað til?

Nú minnist ISG á mótbyrinn, enda verið þrælminnt á það.

Ingibjörg Sólrún: Erum orðin fullmótaður flokkur jafnaðarmanna

Beinar tillögur - lausnir - nei, takk

Valgerður Bjarnadóttir leggur fram tillögu um útfærslu á ákveðnu máli. Kristrún Heimisdóttir lagðist alfarið gegn því með stuðningi landsfundsins að skýrar, vel skilgreindar tillögur séu ekki í samræmi við starfshefðir flokksins!!! Ja hérna. Svo vill flokkurinn að hann sé tekinn alvarlega!

Framsókn vill afnema öll sérréttindi Alþingismanna. Einfalt, skýrt, sanngjarnt.

Hart deilt um meðferð tillögu um eftirlaunafrumvarp

Sjálfstæðisflokkurinn sáttur við stuðninginn við Íraksstríðið

Ekki er minnst einu orði á Íraksstríðið í utanríkisályktun Sjálfstæðisflokksins. Flokkurinn er sem sagt alveg sáttur við þá ákvörðun sem tekin var, þrátt fyrir að hún hafi verið byggð á gögnum frá Bandaríkjamönnum sem sýndu sig svo að vera hreinn uppspuni. Íhaldið ætlar sem sagt ekkert að endurskoða sambandið við Bandaríkjamenn sem hafa brugðist trúnaði okkar með áður óþekktum hætti.

Sömuleiðis var samþykkt ályktum þess efnis að Sjálfstæðisflokkurinn hafni hvers kyns stuðningi við ríkisstjórnir, sem hryðjuverkahópar eiga aðild að. Miðað við þá fylgispekt sem Sjálfstæðisflokkurinn hefur sýnt Bandaríkjamönnum og ætlar að gera áfram, þýðir þetta að Sjálfstæðisflokkurinn mun aldrei geta stutt stofnun Palestínuríkis...

Er hægt að styðja svona skoðanir???

Tekist á um orðalag í utanríkismálaályktun

Ásgarður gengur ekki

Næsti bær við heitir Ásgarður...

Efri-Brú fær nýtt nafn

Er rekstur hagfræðideildar ASÍ tekin með í bókhaldi Samfylkingarinnar?

Fram kom í gær að efnahags-, vinnumarkaðs- og atvinnustefna Samfylkingarinnar væri meira og minna öll samin af ASÍ. Um leið og ISG hefur sagt eitthvað um efnahagsmál, kemur ASÍ á eftir með rökstuðninginn. Verðlagseftirlitið kemur með frétt og næsta dag kemur frétt frá Samfylkingunni um afnám tolla og að hætta eigi niðurgreiðslum.

Það er því alveg greinilegt að mikið af starfi ASÍ er unnið þétt með innsta kjarna Samfylkingarinnar og því eðlilegt að maður spyrji hvort sá kostnaður sem ASÍ ber af því rúmist innan þeirra 300.000 sem lögaðilar mega styrkja stjórnmálaflokka um? Ég bara spyr...

Ræddi einnig um fjármál stjórnmálaflokkanna hér

Afgangur af rekstri Samfylkingarinnar

Þingmannsefni Samfylkingarinnar fór á kostum í Kastljósinu

Kristrún Heimisdóttir fór mikinn í Kastljósinu í kvöld. Held reyndar að þetta sé í fyrsta skipti sem ég hef séð hana í sjónvarpi, þar sem hún hefur ekki minnst á að hún sé lögfræðingur. Snæþór lýsir þessu ágætlega hér

En það er alveg greinilegt að frambjóðendur Samfylkingarinnar hafa ekki hugmynd um hvað fjármál eru, miðað við það sem fram kom í þættinum. Það að kalla stefnuskrár annarra flokka dýrar og hafa svo ekki hugmynd um hvað þeirra eigin tillögur kosta ber ekki vott um mikla þekkingu eða yfirvegun. Kasta því svo fram að það eigi að kæla hagkerfið. Ég hélt að allar spár segðu að það væri þegar farið að kólna og næði jafnvægi strax á þessu ári. Það væri dálaglegt ef Samfylkingin kæmist í stjórn og hún færi svo að gorta sig af því að hafa náð tökum á hagkerfinu, eða er ætlunin að frysta hagkerfið og koma í brúk því hagstjórnartæki sem systurflokkar Samfylkingarinnar á Norðurlöndunum nota helst, atvinnuleysi?

Einnig kom fram að tillögur Samfylkingarinnar í efnahagsmálum væru einkasmíð Jóns Sigurðssonar í Helsinki. Er sem sagt enginn í frambjóðendahóp Samfylkingarinnar sem er tækur í það minnsta að aðstoða hann, bara smá?

Þarf varasveitir Björns Bjarna í kvöld?

Það er spurning hvort það verði þörf á varasveitum Björns Bjarna í kvöld, þegar skemmtanaþyrstir kratar og sjálfstæðismenn hittast í bænum...

Þarf að senda Björgvin í kynskiptiaðgerð?

Ég fæ ekki séð að ISG geti orðið forsætisráðherra. Til þess hefur hún brennt of margar brýr að baki sér, er orðin bitur og neikvæð. Það kann ekki góðri lukku að stýra.

Þannig að miðað við orð hennar verður Björgvin G Sigurðsson, þann sem ég sé sem besta kost Samfylkingarinnar í formannsembættið, að drífa sig í kynskiptiaðgerð. Hann verður að drífa sig, því þetta tekur víst talsverðan tíma.

„Það þarf konu til að koma jafnaðarmannastjórn að völdum"

Ríkið ehf

Í ályktanadrögum Sjálfstæðisflokksins er ekki margt að finna bitastætt. Greinilegt er að línan er að segja sem minnst, til að styggja engan, enda um að gera að reyna að halda því fylgi sem skoðanakannanir gefa til kynna að flokkurinn hafi.

En þar sem eitthvað er bitastætt, er greinilegt að frjálshyggjan er aldrei langt undir slæðunni. Meðal þess sem er að finna í drögunum er einkavæðing að hluta eða að öllu leiti á  Landmælingum Íslands, Umhverfisstofnun, Náttúrufræðistofnun Íslands, Siglingastofnun og Veðurstofunnar - betra veður í boði Glitis.

Það er orðið almennt samþykkt að eðlilegt að ríkið sé ekki í rekstri þar sem ætla má að eðlileg samkeppni fái þrifist. Svo langt hafa Heimdellingar náð og gott eitt um það að segja. Landmælingar hættu samkeppnisstarfsemi á árinu, Umhverfisstofnun er ekki í samkeppni og getur ekki verið í samkeppni við neitt, nema kannski rannsóknarstofan og eftirlit með fyrirtækjum væri kannski hægt að fela flokkunarfélögum, Náttúrufræðistofnun sinnir grunnrannsóknum á lífríki landsins, ekki í samkeppni við neinn, Siglingastofnun hefur lagt niður eftirlitsstarfsemi sína og Veðurstofan....

Tja. Í ammríku eru veðurstofur einkareknar, en starfsemi Veðurstofunnar er miklu mun víðtækara en þeirra, hlutverk þeirra í almannavarnakerfinu er ótvírætt. Fyrst kvarna á enn meira úr starfsemi þeirra stofnanna sem þegar hafa hætt öllum samkeppnisrekstri, liggur beinast við að Sjálfstæðisflokkurinn sé að leggja til að grunnstarfsemi ríkisins, eins og eignaskráning, leyfisveitingar og önnur stjórnsýsla eigi að vera á hendi einkaaðila. Það væri áhugavert að fylgjast með vinnubrögðum þessara stofnanna við undirbúning lögbundinna umsagna umhverfismatsferilsins. Hætta á hagsmunaárekstrum er svo mikil að á það er ekki hættandi í okkar litla samfélagi.

Ég sárvorkenni þeim sem trúa á þetta. Það ber ekki vott um samfélagsvitund og er í anda hörðustu frjálshyggju. - ég segi nei takk og merki X við B

Mannréttindi í skilningi Hjörleifs Guttormssonar

Hjörleifur Guttormsson, fv. iðnaðarráðherra ritar makalausa grein í Fréttablaðið í dag. Eitt magnaðasta Hjörl hans hingað til. Leggur hann til við Íslandshreyfinguna að hún leggi sjálfa sig niður. Henni er ekki einu sinni boðið að ganga til liðs við VG, heldur reynir hann einungis að skipa Íslandshreyfingunni að leggja sjálfa sig niður, til framdráttar málstaðnum. 

Þarna sýnir enn einn fulltrúi VG virðingu sína fyrir mannréttindum, ritaði um virðingu þeirra fyrir skoðanafrelsinu hér.

Nú er komið að frelsinu til stjórnmálaþátttöku. Það mega ekki nema þeir sem eru jafnari en aðrir taka þátt í stjórnmálum.

Svona til fróðleiks rakst ég á eftirfarandi frétt um stóriðjuandstæðinginn Hjörleif í Morgunblaðinu um daginn: