Baráttusætin í Reykjavík suður

Þetta eru þau sem skipa baráttusætin í Reykjavík suður.

Hverju þeirra treystir þú best?

Baráttusætin í Reykjavík norður

Þetta eru þau sem eru í baráttusætum í Reykjavíkurkjördæmi Norður skv könnunum 

Hvert þessara á mest erindi á þing?

Stjórnin heldur enn

Samfylkingin vill ekki álverið á Bakka

Iðnaðarráðherra sagði nóg komið af álverum á Íslandi.

Þetta segir hann þrátt fyrir að hafa framlengt viljayfirlýsingu þess efnis að byggja eigi álver á Bakka.

Foringi Samfylkingarinnar í kjördæminu hefur heldur ekki staðið við sínar stuðningsyfirlýsingar.

Ísland hefur ekki efni á því að nýta ekki náttúruauðlindir á skynsamlegan hátt og það er ekki hægt að styðja framboð sem geta ekki staðið í lappirnar í nokkru máli.

Ætla að slá skjaldborg um álversframkvæmdir

VG á móti öllu - nema heima

VG hafa setið hjá við flestar afgreiðslur á Alþingi er varða olíuleit og vinnslu.

Eins hefur hreyfingin barist hatrammlega á móti öllum áformum um olíuhreinsistöð.

Yfirlýsing Kolbrúnar Halldórsdóttur um að hún sé á móti olíuvinnslu er í góðu samræmi við það.

Það er því í besta falli hjákátlegt að heyra hana núna tala um að það sé í góðu lagi að leita að olíu. Hún hafi aldrei greitt atkvæði gegn því. En hún hefur heldur ekki greitt atkvæði með því.

Er að vera ekki á móti að vera fylgjandi?

Nú þegar von er á störfum í heimasveit formannsins er allt í einu skipt um gír, eða réttara sagt minnt á að VG sé ekki í bakkgír í málinu. Bara hlutlausum. Er það trúverðugt?

Nei - Við verðum að nýta náttúruauðlindir með skynsamlegum hætti til að skapa verðmæti í formi matvæla, orku, unaðsstunda og annarra verðmæta.

Líka þar sem formaðurinn á ekki heima...

Kolbrún segir þingflokk VG ekki hafa lagst gegn olíuleit

Framsókn er einni treystandi til ESB viðræðna

Framsókn telur að þjóðin eigi að taka afstöðu til þess hvort Ísland eigi að ganga inn í ESB eftir aðildarviðræður.

Á þann hátt einan er hægt að taka málefnalega afstöðu til spurningarinnar um hvort ganga eigi inn í ESB.

Svarið má ekki byggjast á trúarbrögðum um inngöngu án skilgreindra skilyrða eins og hjá Samfylkingunni sem telur ESB aðild leysa allan vanda, þannig að íslensk stjórnvöld þurfi ekkert að gera framar, meðan VG og Sjálfstæðisflokkurinn vilja ekki ræða málið, heldur halda hausnum í sandinum áfram.

Framsókn hefur skilgreint hvaða skilyrði þurfa að vera uppfyllt. Þau eiga sér öll fordæmi í aðildarsamningum annarra þjóða og skipta Íslendinga miklu máli.

• Skýr og einhliða úrsagnarréttur, sem er þegar viðurkenndur í aðalsáttmála ESB, verði hluti aðildarsamnings.
• Staðfest verði að Íslendingar einir hafa veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgarsamkomulagið. Ísland verði sjálfstæður aðili að samningum um flökkustofna.
• Fæðuöryggi þjóðarinnar verði tryggt og viðurkennd nauðsyn á sérstökum ákvæðum vegna fámennis þjóðarinnar.
• Viðurkennt verði að íslenskur landbúnaður sé heimskautalandbúnaður.
• Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra búfjárstofna.
• Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu á Íslandi til að eiga ráðandi hlut í jarðeignum, lóðum, fasteignum og atvinnufyrirtækjum, enda styðjast slík ákvæði við núgildandi reglur á Álandseyjum, Möltu, Azoreyjum og víðar innan ESB.
• Í upphafi viðræðna verði gerður stöðugleikasamningur við Evrópska seðlabankann sem tryggi stöðugt gengi íslensku krónunnar þar til Íslendingar taka upp evru.
• Tekið verði tillit til stöðu íslensks efnahagslífs við umbreytingu peninga- og gjaldeyrismála á Íslandi.
• Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinna opinberu tungumála ESB.

Trúi ekki að Samfylkingin láti stranda á ESB

ESB skilyrði Framsóknar eru raunhæf og eðlileg

Þegar rætt er um aðildarviðræður við Evrópusambandið verður að hafa í huga að þeim er ætlað að gæta hagsmuna þjóðarinnar við inngöngu.  Aðildarviðræður fjalla um varanleg samningsákvæði, undanþágur og aðlögun.   Í aðildarviðræðum leggja þjóðir fram kröfur og óskir,  m.a um varanleg ákvæði og tímabundnar undanþágur frá gildandi reglum sambandsins.    Varanleg ákvæði í aðildarsamningi tryggja að breytingar á regluverki ESB muni ekki hafa áhrif á Íslandi í viðkomandi málaflokki, en tímabundnar undanþágur fela í sér aðlögunartíma eða markmið sem ná þarf áður en ákveðnar reglur taka gildi.  Það er regla frekar en undanteking að þjóðir ná fram með vel rökstuddar kröfur í aðildarviðræðum.  

Sjávarútvegurinn

Almenn þjóðarsátt er um að tryggja þurfi full yfirráð yfir fiskveiðiauðlindinni í samningaviðræðum.    Mikilvægt er að tryggja forræði Íslendinga á auðlindum landsins í stjórnarskrá eins og framsóknarmenn hafa lagt til í tillögum sínum um auðlindasjóð. Íslendingar geta vísað í nokkur fordæmi varðandi yfirráð yfir fiskveiðilögsögunni.  Má þar m.a. benda á samninga um Azoreyjar, Kanaríeyjar og Möltu.   Einnig er að finna í gildandi reglum ESB hugtök eins og grenndarrétt, veiðireynslu og hlutfallslegan stöðuleika sem styðja við málsstað Íslendinga.

Það sem væri nýtt í kröfum Íslendinga eru meðal annars sérákvæði um flökkustofna og hvalveiðar, en þar mun reyna á íslensku samninganefndina og íslensku þjóðina í framhaldinu, ef þessar kröfur næðust ekki fram.

Ef fara á að áliti mannréttindanefndar SÞ er ljóst að auðvelda verður nýliðun í útgerð. Það þýðir með öðrum orðum að gera nýjum aðilum mögulegt að komast inn í greinina án þess að hafa veiðireynslu.  Því verða aðrar hindranir en einungis veiðireynsla að gilda um íslenskan sjávarútveg.

Orkuauðlindir

Tryggja þarf yfirráð Íslendinga yfir öðrum auðlindum þjóðarinnar, eins og orkuauðlindum. Því verður að hafa inni heimildarákvæði um eignarhald á landi og tryggja stöðu auðlinda í þjóðareigu í stjórnarskrá. Þar til búið er að setja þetta ákvæði í stjórnarskrá, verður Alþingi að setja sérstök lög þar sem þessum yfirráðum er lýst, t.d. í tengslum við löggjöf um Auðlindasjóð. Þetta þarf að gerast áður en farið er í aðildarviðræður.

Landbúnaður

Í aðildarsamningi þarf að vera viðurkenning á að íslenskur landbúnaður sé heimskautalandbúnaður, en sú viðurkenning miðast í aðildarsamningi Svíþjóðar og Finnlands við 62. gráðu norðlægrar breiddar.

Sömuleiðis verður aðildarsamningur að fela í sér viðurkenningu á nauðsyn fæðuöryggis þjóðarinnar. Nauðsyn þessa ákvæðis sýndi sig í bankahruninu þegar lokaðist fyrir öll gjaldeyrisviðskipti. Þjóðin verður einnig að geta tekið á því ástandi sem kemur upp, þegar óáran geysar á heimsvísu, sbr spánsku veikina 1918 og heimsstyrjaldirnar. Slík skilyrði kosta neytendur eitthvað hærra matvælaverð, enda standast gylliboð Samfylkingarinnar um "evrópskt" matvælaverð við inngöngu í ESB hvort eð er enga skoðun vegna staðsetningar landsins.

Í aðildarsamningi þarf að vera skýrt að Íslendingar stjórni sjálfir framleiðslu og úrvinnslu íslenskra landbúnaðarafurða og geti verið sjálfum sér nægir um kjöt og mjólk og þannig  tryggt fæðuöryggi þjóðarinnar. Heilbrigðiskröfur og sóttvarnir verða að fá að vera óbreyttar og þar með verða áfram að vera strangar reglur um innflutning dýra til landsins á þeim forsendum.

Gjaldmiðilsmál

Staða íslensku krónunnar og íslensks efnahagslífs kalla á tafarlaus viðbrögð.  Með aðildarumsókn til ESB er mörkuð stefna í efnahags og peningamálum sem líkleg er til til að auka hér stöðugleika.   Til að tryggja þann stöðugleika í sessi er mikilvægt að í viðræðuáætlun Íslendinga og ESB sé í upphafi gert ráð fyrir stöðugleikasamningi við Seðlabanka Evrópu og aðild að ERM2, sem er skilgreint aðlögunarferli þeirra myntsvæða sem stefna að upptöku Evru.  En þannig fær íslenska krónan þann bakhjarl sem hún þarfnast meðan unnið að uppbyggingu efnahagslífsins og skilyrðum að aðild að Myntsamstarfinu er fullnægt og hægt að taka hér upp Evru.

Fullveldi þjóðarinnar og þjóðhættir

Skýr og einhliða úrsagnarréttur, sem í dag er þegar viðurkenndur í aðalsáttmála ESB, verði hluti aðildarsamnings og því viðurkenndur í eitt skipti fyrir öll.

Það er eðlilegt að fámenn þjóð geri þá kröfu í aðildarsamningi að hún njóti framvegis virðingar og stuðnings að því er lýtur að þjóðtungu og þjóðmenningu.   Til dæmis skiptir það miklu máli að ESB viðurkenni sérstöðu íslenskrar tungu í stjórnsýslu og þýðingum.

Sama máli gegnir um ýmsar þjóðlegar venjur, t.d. matarhefðir og verndun á sérstökum framleiðsluheitum eins og skyri.  Ýmis fleiri dæmi mætti nefna í þessu sambandi.

Dregur saman með flokkunum

Framsókn og frjálsu verkalýðsfélögin

...eru á sama máli. Þau vilja róttækar lausnir sem duga og er leiðrétting skulda ein þeirra.

Því miður virðist ASÍ vera gengið í Samfylkinguna og segir því ekkert sem ekki hentar Samfylkingunni í kosningabaráttu hennar og þeir innan ASÍ sem hafa aðrar skoðanir og vilja berjast fyrir þeim eru hraktir á brott, eins og Vigdís Hauksdóttir fékk að reyna, þegar gjaldkeri Samfylkingarinnar og yfirlögfræðingur ASÍ rak hana fyrir að fara í framboð fyrir Framsókn.

Þörf á tafarlausum aðgerðum í þágu heimila

Er íhaldið óvant málefnaumræðu?

Sjálfstæðisflokkurinn hefur undanfarnar kosningabaráttur keyrt grimmt á ímynd, en ekki komið fram með beinar tillögur, en hafa verið ófeimnir við að gagnrýna tillögur annarra.

Nú er íhaldið upp við vegg og þurfa að koma með beinar tillögur. Það virðast það ekki kunna, samanber tillöguna um einhliða upptöku Evru. Það er nú það minnsta að kanna í það minnsta örlítið raunsæi í þeim tillögum sem settar eru fram. Eitt til tvö símtöl hefðu dugað.

En nei. Þeir fá á sig háðuglega gagnrýni og viðbrögðin.

Auðvitað fer Björn Bjarnason og Sjálfstæðisflokkurinn í fýlu. Hvað annað?

ESB blandar sér í kosningabaráttu

200 milljarðar til sparifjáreigenda en ekkert til húsnæðiseigenda?

Ríkisstjórn Samfylkingar og Sjálfstæðisflokks veitti 200 milljörðum til að minnka tjón fjármagnseigenda í peningamarkaðssjóðum, þar af 11 til að reyna að bjarga pólitískri framtíð Illuga Gunnarssonar í sjóði 9, auk geysistórra fjárhæða til að tryggja innistæður í bönkum.

Þá var þeim hjálpað mest sem mest áttu.

Nú gagnrýnir Jóhanna Sigurðardóttir og Samfylkingin öll 20% tillögur Framsóknarmanna á þeim forsendum að hugsanlega verði einhverjum hjálpað sem ekki þurfi nauðsynlega á því að halda.

Hvað gerði Jóhanna sjálf?

Hún styrkti fjármagnseigendur, stóra sem smáa!!!

Framsóknarmenn vilja að þær afskriftir sem lánardrottnar bankanna veita nýju bönkunum verði veitt áfram til fjölskyldna í landinu, um 260 milljarða króna, samkvæmt eftirfarandi yfirliti um 20% leiðina, sem betur er útskýrt hér.

EKKI KRÓNA á að renna úr ríkissjóði

Jafnvel þótt að til þess kæmi að ríkissjóður þyrfti að leggja til þetta fé, yrði að horfa á það í réttu samhengi. Það eignahrun sem yrði ef húsnæðismarkaðurinn hryndi er miklu miklu meira en sem þessu nemur, en einungis þarf 6% lækkun húsnæðisverðs til að brenna meiri verðmætum en sem þessu nemur mv Fasteignamat.

Tillögurnar hafa það í för með sér að bankarnir geta ekki tekið þessar afskriftir og skráð sem eigið fé, líkt og VBS gerði við fyrirgreiðslu Steingríms J Sigfússonar fjármálaráðherra, heldur þarf ríkið að leggja bönkunum til raunverulegt fjármagn, sem þeir geta svo lánað út og komið hjólum atvinnulífsins í gang.

Ef eigið féð yrði búið til úr þessum afskriftum, hefðu bankarnir ekkert laust fé að lána atvinnulífinu og allt yrði jafnbotnfrosið og áður.

Það þarf því hvort eð er að leggja bönkunum til lausafé, óháð því hvort afskriftirnar verða settar inn sem eigið fé eður ei.

Þannig að 20% leiðin er fær, hún er sanngjörn og hún er eina leiðin sem fram hefur komið til að koma efnahagslífinu aftur í gang og stöðva það hrun sem framundan er ef ekkert verður að gert.

Ræddu um að sprengja stjórnina

Hræsni VG

"Fyrir síðustu kosningar var þannig ausið úr ríkissjóði loforðum og skuldbindingum, jafnvel til margra ára fram í tímann. Ég hygg að vikan fyrir 12. maí síðastliðinn eigi eftir að reynast sú dýrasta á öllu liðnu kjörtímabili þegar allt verður talið. Þingflokkur Vinstri grænna hefur einmitt óskað eftir því að allt þar verði talið. Við höfum óskað eftir skýrslu um kosningavíxlana og ég vænti þess að þegar hún hefur litið dagsins ljós þá verði hún tekin hér til umræðu."

Álfheiður Ingadóttir, þingmaður Vinstri hreyfingarinnar græns framboðs á Alþingi 11. október 2007.

Breytingar á búvörusamningum